[أثير الشوق]

تحياتي لك سيدي
ابتهال رائع
موفق دائما

[غــ زمانك ــرك]

متابع
لكل ما يصاغ هنا من ماء الذهب
ابتهالات وقصائده جميله للغايه
تقبل مرروري العابر
ودمت بوووووووود

[ابو حمد ابن عايضه]

اثير الشوق ..غرك زمانك.

كل عام وانتم بالف خير.مروركم عيديه لي.

[ابو حمد ابن عايضه]

اناظر في الوجوه "والملامــح" طيب وبعدين
انا من وين الاقي لك طريــق يحث خطوآتي

اقول هناك لا يمكن "هنــا" يمكن هناك تبين
شعاع الضي واشــراق الامل وتلملم شتآتي

رسمتك حلم "غايب "عن حياتي من يجي شهرين
لقيتك علم وايدينك تعــطر كل صفحاتي

وجيت انثر لك "احسآسي" وشوقي واحتراقي لين
تركتك في وضــوح تشوف حزني وانكساراتي


ابيك تحس في همي وتلمــس" رعشة الكفين"
ابيك تحس في وجـــدي عليك وجمر زفراتي

لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي

[ابو حمد ابن عايضه]

قبل الغرام وقبل مااصير مغليك

أشاركك بالضحك .. والحزن .. والهمْ

بفتح لك .. بصدري وقلبي .. شبابيك

وأنقش غرامك وأرسمه .. داخل الدمْ

وان قلت لي وش كبر حبي بخافيك ؟؟

أقول أحبك .. بس .. مدري أنا كمْ !!

أبيك تفهم ..!! يمكن أقبل تماديك

وأسامحك لااخطيت .. وأقول : ماهمْ

قصدي أعشقك .. وأتمناك .. وأرجيك

وأشفق على شوفك.. وضحكك .. مع الضمْ

[ابو حمد ابن عايضه]

يا عمري الدنيا ما تسوى تنام وخاطرك زعلان

ولابه شي يستاهل يخلي قلبك يعاني

طلبتك كان لي خاطر تبعد عنك ألأحزان

فديت أعيونك الحلوه تبسم لو على شاني

حبيبي صار لي مدة أشوفك تايه وحيران

وانا والله لا شفتك حزين تزود أحزاني

[ابو حمد ابن عايضه]

ما عاد بيدك وانتهى دورك خلاص

من عقب ما كنت تامرني وتنهاني

ومن عقب ما كنت احاول ارضي غرورك

على كثرهمي اللي شلت واحزاني

يومني اصدق معك واشتاق لحضورك

والشوق في غيبتك خذني ووداني

خلاص ما عاد بيدك وانكشف زورك

لو كنت صادق تعاني مثل ما عاني

مليّت اجاوب معك واراعي شعورك

كرهتني في وصالك وانت تجفاني

مليّت وانا اتحرى لحظة مرورك

وانا احسب انك بعد مثلي تحراني

[ابو حمد ابن عايضه]

فقدتكـ
والزمن مايرحم أوجاع الحزين ولايداريها !!
فقدتكـ
وأنكسر قلبي ومدري كيف تاليها؟؟
فقدتكـ
وأنطفأ فرحي من الدنياا وماا فيهاا !!
فقدتكـ
أه لو تدري حياتي كيف أقضيهاا

فقدتكـ