[وضاح اليمن]

اقتباس من مشاركة بادي الرجم وراك تلحق مكرم الضيفان = يا بو يمن ياناقل الغيبه هذا المعزب من نسل شجعان = فارس وكل الناس تدريبه اليا مدح يمدح رفيع الشأن = ما يمدح اللي ممتلي جيبه هههه مغنيه ربي ما الحقه نقصان = وعن البشر ساتر عذرايبه ما هو بمثلك يا اصفر الكرعان = غادي وغادية ٍ مواجيبه ههههههههه

انا اخو مزنه قامت تلمس راسي عوال النيدو



وش دخلك يابادي الضلعان= تدخل مابين صحيب وصحيبه
وكانك موكل ياصفر الجنحان= اللي ظلام الليل تسريبه
اقلط وانا ماجود بالميدان= كل الشعر ناجد هناديبه
بالنظم ولا مقابل الفرسان= بين الصفوف اليا عوى ذيبه
انا اخو مزنه سالم الابدان= اسم عمره مادخل جيبه
غير ورقه من مزرعة حردان= قاتن يخفف كل تعصيبه ههههههههه
اما المعزب مالحقه نقصان= محشوم اله قدرن واله هيبه
والنقد مانزل رفيع الشان= لو البشر بالذم تحكيبه
اما النميمه كلها بهتان= ماهي من اسلومي ولا امشيبه
وان طعت شوري تدحر الشيطان= ترى الحروب ان قامت مصيبه
تموت ناس وتاتم الورعان= وانت السبب يابو مراقيبه

[وضاح اليمن]

اقتباس من مشاركة برق الشمال صح ألسنتهم شعراء كبار وأنا معجب بـــ " وضاح اليمن " معه قلبا وقالب

مرحبا ومسهلا انه يوم عظيم ونصر موزر لفريقنا فريق ابو يمن انظمام الباحث والمورخ والناقد برق الشمال الى الفريق الى الامام يافريق وضاح شعار ومورخين وفرسان ويلك ياللي تعادينا ياويك ويل

لكن اللي طلب وانت عندك خبره بالتاريخ ووصول القبايل العربيه يقول جدي الله يرحمه ان اصلنا حنا ياعائلةوضاح من عبس هل صحيح الكلام

[عساف الرشيدي]

اقتباس من مشاركة بادي الرجم الله الله صحت السنتكم يا عساف ويا اخو مزنه مبدعين بالنظم والمحاوره

صح بدنك ماعليك زود

[البرمكي]

صحت السنتكم وبيض الله وجيهكم

[عساف الرشيدي]

اقتباس من مشاركة برق الشمال صح ألسنتهم شعراء كبار وأنا معجب بـــ " وضاح اليمن " معه قلبا وقالب

صح بدنك ماعليك زود ويستاهل وضاح وازيدك من الاعجاب اعجاب يقولون الربع ان وضاح والبرمكي عمهم العمده وانا اكتشفت ان العمده والبرمكي عمهم وضاح ههههه

[عساف الرشيدي]

اقتباس من مشاركة البرمكي صحت السنتكم وبيض الله وجيهكم

صح بدنك ووجهك ابيض

[ناصر خنيفر]

اشكركم جميعا اعتو الموقع لعصره الذهبي