[مصفي المرح]

اقتباس من مشاركة بنك الشعر تعرف انه مايهاب الموت وتهمه حياته=والعيون ان خزها لدت على ماطا نعوله عذرنا عذر" سمين وكل رجال وسواته=وان دخلك الشك من عذري عسا ماهو بحوله

والنعم في صاحبي بنك الشعر هذي رواته = مير ماكل العيون اللي تبا تخز معسوله

مادخلني شك اعرف البير سره من غطاته = دوب دوبك لاتعدا مفرق الطيب بعجوله

[بنك الشعر]

اقتباس من مشاركة مصفي المرح والنعم في صاحبي بنك الشعر هذي رواته = مير ماكل العيون الي تبا تخز معسوله مادخلني شك اعرف البير سره من غطاته = دوب دوبك لاتعد مفرق الطيب بعجوله

النعم مكسب لنا يوم الخبل يشقر عصاته=ولاتحسب أنا نخاف امن العدو لاسرج خيوله
طيبنا ثابت ماغيره الزمان ومجرياته=ودام تعرف علت المرضان سهله ومحلوله

[عنتر زمانه]

من اجمل المحاورات

ونظرة مصفي دائم بالصميم قال يوجد تطور بشعر بنك وهاهو يثبت ما قيل عنه ..

محاوره جميله ويتخلخلها معاني رغم الشموخ وعدم الموافقه والمحاباه من اي من الطرفين ولكن لم تنتهي المحاوره رغم وشاكة انتهائها

وحبيت ان اقول بيض الله وجيهكم وواصل يا بنك على هذا النهج والابداع

[مصفي المرح]

اقتباس من مشاركة بنك الشعر النعم مكسب لنا يوم الخبل يشقر عصاته=ولاتحسب ان نخاف امن العدو لاسرج خيوله طيبنا ثابت ماغيره الزمان ومجرياته=ودام تعرف علت المرضان سهله ومحلوله

قلت لك والنعم مير رجل نوب مجاملاته = بينه في ردة الافعال لاصارت خجوله

طيبكم ثابت وانا احسبه تزود مفاعلاته = أنت جعلك مانت صادق بالكلام اللي تقوله

[مصفي المرح]

اقتباس من مشاركة عنتر زمانه من اجمل المحاورات ونظرة مصفي دائم بالصميم قال يوجد تطور بشعر بنك وهاهو يثبت ما قيل عنه .. محاوره جميله ويتخلخلها معاني رغم الشموخ وعدم الموافقه والمحاباه من اي من الطرفين ولكن لم تنتهي المحاوره رغم وشاكة انتهائها وحبيت ان اقول بيض الله وجيهكم وواصل يا بنك على هذا النهج والابداع

مرحبا ومسهلا فيك ياعنتر زمانه والله الاجمل حظورك ياطويل العمر

والمحاورة على ماقلت انتهت من عندي والختام عند بنك الشعر

[مصفي المرح]

صح اللسانك يابنك الشعر والختام عندك

اشكر كل من تواجد وشارك معنا واقول انتم افضل من شارك بردوده في هذه المحاورة وكان لكم اثر بالتشجيع والحماس

[المحترف العبسي]

الليل الليل يالشعار شدووو حيلكم

[صعصعة]

ماشاء الله
لاإله إلا الله
صحت ألسنتكم
وعلى ما اتوقع الكل مكتسب الشعر وراثه
وليس ..مكتسبه علم ومعرفه