[عبدالله معزي]

والنعم بالخيارات اهل الصولات والجولات
اشكرك
تحياتي

[احمد فالح الخياري]

وهنا مقتطفات من قصيده قالها الشاعر لافي بن فرحان العنزي موجهه للشيخ فالح بن نافع الخياري

سميت بسم اللي على الناس ظله
علام غيبات الليال ومسيره
يابو مبارك جيرتك مانمله
ملكتو الثنتين طيبٍ وجيره
ودرب المراجل مثلكم يستوله
صميدعن تبداء عليك السريره
قرمٍ صميدع والمشاكل تحله
مثل المهادي مايتواذا قصيره
ابوك قبلك في فعولٍ مضله
يكرم بماله والليالي عسيره
حرٍ على الجزلات يشبع هلله
بالود يفعل والمخالب شطيره
يفرح ليامن الركايب عنله
ماضنتي بالجود يوصف بغيره
يبذل من الماجود كبشٍ ودله
يضحك حجاجه مايتعقّد نظيره
عز الله انك نازلٍ في محله
صرتم بداله بالسنين الأخيره
أفعالكم ماتنحصى بالسجله
من ساس قومٍ ينطحون المغيره


وكذلك الشاعر خلف بن عوض الداموكي من عرض قصيده موجهه للشيخ فالح بن نافع بن عياده

ابوك يوم ٍ المواشي قليله
بزود الكرم كل الرجال شهدوله
الضيف والمحتاج دايم يجيله
من المرجله اخذت عرضه وطوله
وليافعلتم تنطحون الدبيله
عزالله انكم من رجالٍ زحوله
ماكر حرارٍ والمجاذب اصيله
طيور السعد تاخذ على الصيد جوله
وهناك
الفارس والرجل الشجاع

مبارك بن عواد بن مسعود الخياري

وابنه الفارس معيتق بن مبارك بن عواد الخياري

وكذلك لافي بن رشيد بن عياده الفارس والرجل الشهم

وفالح بن عوض بن نمشه الخياري

والرجل الشجاع رويشد مرشد الصلماوي



قصيده لشاعر الكبير رزقان بن معيض بن روضان الخياري موجهه لشيخ / حمود بن نافع بن عياده الخياري أمير الكرشافه رحمه الله يذكر فيها بعض فعول الخيارات

ياحمود قالوا ماأنت ياحمـود بالحيـل
يالله عسى مابـاس ياطيـب الفـال
ينجيك من نجا الحرم من هل الفيـل
اللي شفاء لأيوب ورجع لـه الحـال
اللي شفاء لأيـوب عقـب البهاذيـل
عطف عليه ورد له سـرع الأحـوال
إنه يفكك مـن بـلا الشـر والويـل
عساك تبرأ ياولـد مـاض الأفعـال
حيـات ربٍ يولـج الصبـح بالليـل
إنك علينـا غاليـن ياأبـن الأبطـال
فيك البقـاء يامقلـط البـن والهيـل
ياللـي محلـه للرجاجيـل مـدهـال
بيتـه كبيـر ومدهـلٍ للرجاجـيـل
في ربعته تلقـى كريميـن الأسبـال
في ربعته تلقـى الرجـال المشاكيـل
البن يطرب والسوالف علـى البـال
والنجر يقنب خلف هـدف المعاميـل
قنيب ذيب وللعشـاء يهـذل أهـذال
اشهب قراء ضار ٍلفـرس المخاليـل
ضلا يجر الصوت في روس الأجيـال
قعد يهجـرس بالعـوي بالشمهليـل
أخطأ العشاء قعـد يهوبـل تهوبـال
النجر حسـه حـس ذيـب الغماليـل
ورى بغاديـدٍ بهـا الهيـل ينـكـال
مقعد ولـد ماهـي علـوم الطهابيـل
معـرب الجديـن والأبـو والـخـال
أمير من عرض الرجـال الزلازيـل
كم حايـلٍ للضيـف معلوقهـا مـال
جلس بماكـر شايـبٍ يذبـح الحيـل
أبـن عيـاده كلمـة الحـق تنقـال
ينزل على الطريق وافـي التخاصيـل
يفرح به الجيعـان وضعيّـف الحـال
ياريف أهل هجن ٍ ليا جـوا فعاليـل
تباشروا به بالعشـاء عقـب مقيـال
من لابـةٍ يـوم اللقاءتنطـح الميـل
لصار عنـد قفيهـن هـوش وقتـال
لحقوا ورى البل فوق قـبٍ مشاويـل
وتحاولو في ماقـع ٍ بشهـب الـلال
تحاولـو عنـد العشايـر تقـاويـل
بأيمن شعيب خريـط والـدم شـلال
مـن عقـب ماهوللعشايـر تقاويـل
تناكسـن لعيالهـن شهـب الأذيـال
راح العقيد ولاحصـل لـه محاصيـل
والأبـل ردوهـا فواريـس وعيـال
وراع الجبل جاهم على الجيش والخيل
باللقـاع خلـو جثتـه راسهـا مـال
بقاع السباق اللـي عليـه التماثيـل
يضرب بها التاريخ في ماض الأفعال
ودعب اللعليبي ماثـر ٍ بـه دواليـل
سموه ماثر عنـد سمحـات الأقبـال
وروضة رماحه رشها الـدم ويسيـل
من العقيد اللي من الضلـع صـوال
بس الأضافـر فيـه إلهـا جلاجيـل
يـا ماذبحنـا فيـه فـارس وخيـال
ورحبت جهيله يوم جونـا جلاجيـل
راحوا عشاء في ليلة ٍ سيلهـا سـال
والقاع قاع مبارك اللـي بعـد قيـل
بقـاء لنـا ميـثـار والفـعـل دلال
القوم لحقوهـم علـى ظمـر ٍ حيـل
وتحاولو بنحورهـم عقـب موهـال
الشيخ عند الشيـخ ماهـي تهاويـل
مـن كـف قـرم ٍ للمناعيـر قتـال
مبارك بن عياده ثنى بشهـب الكيـل
ذب العقيد وطوحه ضـد مـن عـال
وشليان فعل يـوم لحقـوا عزازيـل
لمـا غـدوا مابيـن ميـت وزمـال
خمسـة مواثـر عندنـا بالتفاصيـل
ولاخير باللي هرجتـه مالهـا عقـال
ضد السباع اللي غزتهـم مصاويـل
لقصـرن روس الشفايـا ولأبــلال
عقب الجهل عـوّد لهـا بالتساهيـل
بعبدالعزيـز اللـي عدلهـا تـعـدال
أرسل عليهـا بالهـدى بالمراسيـل
في كـل صـوب ٍ كلفهـم بمرسـال
واللي عصاء يحـط فيـه الولاويـل
خلى الصعب يبرك بلا قيـد وعقـال
حرٍطلع على العـرب طلعـت سهيـل
ونجد تبـدل شرهـا خيـر الأعمـال
صقر الجزيره فضل الحـق تفضيـل
بالشرع والقرآن خلـى لهـا ظـلال
أمطر مطرها راح يدعج بها السيـل
طلع مشاريع ٍ بهـا النـاس تهتـال
وخلى لهـا مـع العواصـم مداخيـل
ورسالها مع البواخـر علـى الجـال
وخلى لها مـع كـل فـج مواصيـل
ودع علاقتهـا علـى روس الأقـذال
ورحـل لعلـه للجـنـان التنافـيـل
في ماكـره خلـى زحازيـح وشبـال
حكامنـا بالخيـر لـهـم مفاعـيـل
وفهد فهدنا كان ضيـم الدهـر مـال
وسبحـان رب ٍنـزل الحـق تنزيـل
وعلى النبـي عـداد ماهـل همـال


.................................................. ....................
ابناء الفخذ ماكتبه ليس حصر على رجال الخيارات فموضوعي خاص فالعليان من مطير حتى لايفهم خطأ ومن عنده اضافه فليضيفها

ولكم تحياتي

اخوكم / احمد فالح الرشيدي

[القزم]

والنعم بالخيارات

[بدر الرشيدي]

الف نعم بالخيارات


رجال لهم صولاتهم وجولاتهم المشرفه للقبيله


اخوي سعد


الله يعطيك العافيه علي تقريرك المبسط


لاهنت

[عادل بن هون]

الخيارات من اكبر واشجع واكرم قبائل عبس الكريمه


نفخر بابناء عمومتنا الخيارات ذكرهم يرفع الراس والف الف نعم بهم

عاشرتهم جيران واصدقاء وزملاء فنعم الرجال هم

مشكووووووووووووووووووووووووووووووووووووووور على هالموضووووووووووووووع

[عادل بن هون]

الف نعم بالخيارات رجال الشجاعه والوفاء والكرم


تحياتي لهم

[رواية]

مشكور أخوي عن هذا التقرير عن الخيارات

الله يعطيك العافيه

[%القناص%]

والله والنعم بالخيارات