[عبدالباري عبدالعزيز]

اقتباس من مشاركة البحرالاحمر أبو حقب يلعب بمحور..وقشاش=وأنا هجوم وراس حربه مثالي لا تسرع السرعه توديك الانعاش=والا توديك القبور الهيالي

والله مدري ليش ياضيّق الجاش= نوبٍ جنوب ونوب وجهك شمالي
رؤس الضبا ياصاحبي مابها اعراش= أبا بدالك كان تبغا بدالي

[عبدالباري عبدالعزيز]

اقتباس من مشاركة ابوحقب مسموح والشكرك على عدم الرد لحيث فيه صعوبه من نا حيت القصص القديمه لحيث اني خرجت عن الفتل والنقض وضفت مثل قديم شايع لداء كبار السن منذو القدم البعيد وهذا ليس توضيح انت من كبار عمالقة الشعر النظم والرد لاكن انا اخطاءت بالرد وستميحك عذراً كمأ يشر فني اللعب مع شاعر بمستوااك الر اقي واخلا قك العاليه

بيض الله وجهك ومشكور على طيبك والمثل معروف طال عمرك

[المحيط الهادي]

اقتباس من مشاركة عبدالباري عبدالعزيز وين أنت يالطيب وين أنت ياللاش= أليا زهمتك قلت مالك ومالي اغوص في الأعماق في لنش وقماش= وأرتاح بالشاطي والاعب ظلالي

ماتطلع الصوره بلا فلم وفلاش=فقدت من دونك جميع أتصالي

مير الوعد قدام وأن صابك خراش=لا عاد تجلس فوق حمر الزوالي

[عبدالباري عبدالعزيز]

الليل يابحرالخليج

[عبدالباري عبدالعزيز]

اقتباس من مشاركة البحرالاحمر ماتطلع الصوره بلا فلم وفلاش=فقدت من دونك جميع أتصالي مير الوعد قدام وأن صابك خراش=لا عاد تجلس فوق حمر الزوالي

اليوم ماهو يوم بندق ورشاش= اليوم يوم الفكر والرأسمالي
ياشوكةٍ مايطلعك غير منقاش= برضٍ خلا تطاك خف الجمالي

[المحيط الهادي]

اقتباس من مشاركة عبدالباري عبدالعزيز الليل يابحرالخليج

مانشرب الدله على كيس فشفاش=عطني وعد وأبيك تجلس قبالي
اما نحوش النوق ونحوش الادباش=والا تحوش أدباشنا والجمالي

[بحــ الخليج ــر]

اقتباس من مشاركة عبدالباري عبدالعزيز الليل يابحرالخليج

مساكم الله بالخير عاشو الشعار على هالطاروق اللي يسري الليل وبصف عبدالباري لاننا ننتمي لحزب واحد ولايهون الشاعرين البحر الاحمر وابوحقب

[المحيط الهادي]

اقتباس من مشاركة عبدالباري عبدالعزيز اليوم ماهو يوم بندق ورشاش= اليوم يوم الفكر والرأسمالي ياشوكةٍ مايطلعك غير منقاش= برضٍ خلا تطاك خف الجمالي

ياصاحب الافكار بديار الاحباش=أهم حاجه لايطيح العقالي
ماينجح الشاطر وسط شعب غشاش=وأنا زعلت ولاتزيد أنفعالي