[بيطار الشعر]

اقتباس من مشاركة مصفي المرح دام البقابك وأنت ياذيب تبقى ذيب مبحوح = يومن غيرك لاعوا عويتن يصك بابه المزن ساق وشفت كبد السما صح صاح بوضوح = ماباقي الا غيمة حجمها كبر الذبابه

ياسلام على الأبداع
ماباقي الا غيمة حجمها كبر الذبابه
كأني اتخيل دمعة الراعي ههههههههههههههههههههههه

[ابو شرق]

لاتضحك من الشيخ لو كان بشت الشيخ مشلوح=وانته تمشى مامعك غير ثوبك والعصابة
اللي يهوز القوم يبي المدح ماهو بممدوح=يمكن يحصل مدح لا هل في قبره ترابه

[شاعر الحجاز]

مصفي المرح مافهمت من كلامك شي ياليت تعيده بطريقه اخرى

[العاقل]

السلام عليكم
مساكم الله بالخير الحضووور
متابع وبصف الجميع

[مصفي المرح]

اقتباس من مشاركة ابو شرق لاتضحك من الشيخ لو كان بشت الشيخ مشلوح=وانته تمشى مامعك غير ثوبك والعصابة اللي يهوز القوم يبي المدح ماهو بممدوح=يمكن يحصل مدح لا هل في قبره ترابه

امشي بثوبي لكن اعرف طريقي وين بيروح = وأنته طريقك تعرفه زين لاكنك تهابه

اللي يهوز القوم مثل الغرق لافاختك نوح = ودك تزبن بالجبل مير حدتك الشعابه

[مصفي المرح]

اقتباس من مشاركة شاعر الحجاز مصفي المرح مافهمت من كلامك شي ياليت تعيده بطريقه اخرى

انا كاتب (( المزن ساق )) وفي مشاركتك السابقة ذكرتني الصحيح (( المزن راح))

وتم تعديل البيت مشكور

[ابو شرق]

الشمس ياراع الوفا حدت صحيبك على الدوح=وبكرة نرد هداج ونذوق من صافي شرابه
لكن اخاف ادور الجم ثم القاه ذرنوح=واصير مثل اللي يواجه عقابه من ثوابه

[مصفي المرح]

اقتباس من مشاركة ابو شرق الشمس ياراع الوفا حدت صحيبك على الدوح=وبكرة نرد هداج ونذوق من صافي شرابه لكن اخاف ادور الجم ثم القاه ذرنوح=واصير مثل اللي يواجه عقابه من ثوابه

الي نصحك العام الاول قبل يومين منصوح = من حط باذنه طين لابد يلقاه ابزهابه

أن كنت ابوروحين تبغا تشق الجمع وتشوح = السوق ابو روحين ماخسر من باع وشرابه