[كاتب الرشيدي]

ادولف هتلر

مرحبا بك واعجابك فخر لي

ولاعليك زود
وبارك الله فيك


ويا هلا

[كاتب الرشيدي]

مرحبا يا
الغامض العبسي

غموضك تميزك
بل وضوحك تميزك
بل ابداعك تميزك

لاهنت على الأطراء
وهذا يشرفني
إذا كان من شخص
شرواك


سلاستك عطرة
ومتابعتك شرف لي




ويا هلا

[خالدالقصاني]

البارحه يوم كلاً نام بفراشه،،،اناعيوني من اللذات محرومه

كني مريضاً دخل في غرفة انعاشه،،،لاهوبنام ولاهوقادرالقومه

والمشكله جاجتن بالقلب دشاشه،،،من قبل يومين هي بالقلب ورجومه

انا قلت قربتهاقفة منحاشه،،،تقول انا عندكم ياقوم مظلومه

قلت اصبري لين يبداء الصبح بفلاشه،،،والايتجلا ظلام الليل ونجومه
قالت صبرنا وطال الصبرونقاشه،،،عطني خبر قبل صبحك يبدي يومه
قلت اصبري ومنحيني فرصت الباشه،،،أظني أقدر على الموضوع وقومه
ونباح نور الصباح وعلمنا ماشه،،،والمشكله في رجوم القلب وتلومه
الظاهر يشاف قدم الناس كالشاشه،،،والخافي اعظم جسم في داخل أهدومه
مايزين الداخلي فخامة أقماشه،،،لاصارت الذمه من البعض معدومه
يمشي مع الناس كنه جملة ادباشه،،،واليا نصحته عليك يوجه السهومه
كنك على قول ابن جدلان غشاشه،،،دائم على الصاقطه تهوي به أعزومه

هاذي مشاركه بسيطه في قصيده متوسطه وشكر جميع القائمين على قلعة المجد والتاريخ شبكة عبس وصاحب الفكره وداعم لها ودمتم بخير

[كاتب الرشيدي]

هلا بك خالد القصاني


سعدنا بمشاركتك

بارك الله فيك


استلممم


ويا هلا

[خالدالقصاني]

مشكور وأمل تنسيق القصيده لحيث انها حفظة بدون تنسيق جيد

[عثمان البراك]

بسم الله الرحمن الرحيم

أتشرف في الحقيقة أن أكون من شعراء هذا المنتدى العملاق وأسأل الله سبحانه أن يوفق الجميع في دنياهم وآخرتهم

لا مالت الشمس وتعدت للزوال وللغروب = قمت آتذكر فالزمان وفالليالي وش جرى
كنت أحسب ان العاشق اللي يعشق الجادل كذوب = حتى طرالي في حياتي شي ماعمره طرى
الله يسترمن عواقيب المسافة والدروب = والله يستر لا تعلقت بمشايخ وومرا
وجهت صوبك واكثر العالم مع الأحباب صوب = كل يميز دربه وكل على همه سرى
ألا الضميراللي يحسب انه مع الناس محسوب = أفقر من الذرة وفجأة طاح باموال الثرى
عمري وانا ما صدّق آشوف النعومة والعذوب = حتى ولا شفت النعومة فالمناطق والقرى
يازهرة الأيام لو تدرين باوهام القلوب = أوهامي اللي بالخيال ونوب باحلام الكرى
السكر امع الماء يذوب وقلبي بشوفك يذوب =ما كنّ أشوف ألا انت مابين الثريا والثرى
تستعذب النظرات نوب وتكتم النظرات نوب = كنك ترى اني أراك ونوب ماكنّك ترى
ان كان في عشق المودة والغلا بعض العيوب = أشهد شهادة كلبونا فالمعاييب خشرا
سولف تواضع لي وعطني من غلا الأحباب كوب = بريت جروح العالمين ونص جرحي ما برى
ودي أعيش بفي رمشك لا رياح ولا هبوب = اعيونك الثنتين ما شا الله ورموشك ذرى
قولة جرير اللي حكم للعالمين وللشعوب = مايذبح ألا نظرة عيون الغضيض الأحورا
واحترت مدري وش ورى سر الحوادث والغيوب = أما آتقدم خطوة الـــ قدّام ولاّ ارجع ورى
اتصدقين اني على الأمرين فالحال مغلوب = وانّ الفؤاد اللي يحبك مات حبّ ولا درى
توّي عرفت المغرم اللي بالهوى ماهو كذوب = وتوي فهمت اللي حصل للعاشقين ووش جرى

[كاتب الرشيدي]

مرحبا اخوي عثمان


سعدنا بمشاركتك


استلمممم


ويا هلا

[صقر ابن عبس]

اشكرك اخوي كاتب انت وجميع الاخوان ولجنة التحكيم

وهذي مشاركتي


ياهجوسي ياهجوسي عزوتي في كل حزه
الوعد حان الوعد والليل ياهجوسي سرينا
بأفتخر في روس ربعي وآخذ مع الطرق فزه
ياعسى ربي على سكة هل الخير ايهدينا
ربعي اهل المجد والتاريخ وارجال المعزه
والكرم بكفوف ربعي والوفا منا وفينا
عبس ربعي عبس قومي عبس ظلي عبس عزه
في نهار الموقف الغصاب عبس اهل اليمينا
من قبل عصر الصحابه والنبي وحروب غزه
والجزيره كلبوها النا من البصره لسينا
المليك زهير والفارس ولد شداد عزه
عنتر العبسي وكل الناس عنهم عارفينا
محتمين احدودنا نقدم على الصف ونعزه
لو نشدت الضلع عنا قال كنه من حدينا
عبس حنا بوجه جيش الفرس بيرقنا نرزه
لين هلّلّنا عليهم مثل نصر الفاتحينا
عبس جمره بالقبايل والحروب المستفزه
يوم وقت الاسودين وقلة العيشه غزينا
ولانزال بديرة الاجداد والعايل نكزه
بالسيوف الصارمه نقطع بها عرق الوتينا
والعدوعن دار عبس بمقدم الشلفا نخزه
كم روسٍ دون ديرة عبس طاحت من يدينا
تشهد النا معركه بالبير والضلع وملزه
وغزوة شريفه والاخرى غزوة الدبه وفينا
وانت ياللي تومي براسك تقل عرنون وزه
هل تعلم في فعايل عبس والا جاهلينا
اسمع العلم اسمعه لاتحسب ان الهرج رزه
اسمعه مدام عبدالله ملكنا محتمينا
الجبل مافيه ريحٍ يابيض الشارب تهزه
انشد العرّاف في هذا الزمن والاولينا
واحفظ اللسانك عن اعراض القبايل لاتدزه
انتبه من نزغة الحقّاد وابليس اللعينا
انت مع ربعك شبيه لـ كنداليزا بنت بزه
ضنوةٍ مالله خلفها لاحلاه ولاعوينا
عارفين اصلك وفصلك عرق تين وعرق مزه
واحد العرقين سوسه والله اعلم بالدفينا
مير ابى اقفل ملفك واتطرّق واتنزه
وانسي الموضوع وادله مثل ناسٍ دالهينا
والختام ازكى سلامي بالموده والمعزه
والله اكبر والله اكبر والله اكبر مهتدينا
*******************************