[السيف القاطع]

حنا رجال العلم واهل االعرف واصحاب الفكر =

يابدو مدري ياحضر لو شانكم من شانها=

اقر الكتاب اللي عليه القول مايفيد الشعر=

انت تمر السالفه ما تشوف وش برهانها =

[شموخي زلزلهم]

يا القاطع

أكتب ردك بدون تنسيق احسن كذا حست الدعوا

بوعدين شكلك راعي طويله وانا رجالنا راعي خطوط انتظر حمل الوايت لين يمتلي وبعدها فيني وفيك شوفت الله

اخلص علينا يامال الغنيمه الليل الليل

[السيف القاطع]

ماعليش الجها ز يفصل عندي

[شموخي زلزلهم]

حنا نعز الضيف مانقريه من حيد الخضر
نقريه باللي فالصحن متثنيـه عصبانهـا

الكهربا ماشي كماها مير مكتوبـه خطـر
واليا انطفت ماتدري الجيران عن جيرانها

[ناصر خنيفر]

عاش مربوش حط على عيال النيدو وانا بصفك

[شموخي زلزلهم]

عاشت ايامك ولياليك
وجودك بصفي يا العمدة يمثلي الشرف اللي مابعده شرف

وابشر بعزك ازهلهم

مير خوينا الله يستر عليه يتنع

[السيف القاطع]

البس ثياب المرجله وعرف تفاصيل الخبر =

والمملكه ياصاحبي عساك من سكانها =

ولع سرجك وسرح ابمعزاك في صبح وعصر =

الله يسترلي علئ اهل الضان مع رعيانها =

[شموخي زلزلهم]

حنا هل البندر كما العنبر المتلول السفـر
مجلوبة التجار وافـي مسكهـا ولبانهـا
ياماشرينا من حلال البدو غاليت المهـر
وامسيت تاكل من شحمها بعد اخت اثمانها