[شاعر الوطن]

اقتباس من مشاركة حسن الوطري دام البقا ياللي ترحب عد دورات السنين = المعرفه من بيننا هذا ترا عربونها وانته بعد شاعر وطن معروف ياذرب اليمين = الناس دايم مدها ينشاف في ماعونها

الله يبارك فيك وانته يا حسن شاعر فطين=شمس المعرفه من حضورك بان لون قرونها
أبلعن أشيطان وأعوذ من بليس اللعين=غبت وحضرت وغيبتك ما ينعرف وشلونها

[شاعر الوطن]

اقتباس من مشاركة حسن الوطري الايراني يعلم الله ما شفت ردك غير الحين واذا تبي الرد تراه جهاز بس يسمح لنا شاعر الوطن

مسموح .. انا من البدايه سامح للايراني المتابعه

بس شفتك رديت علي .. قلت لازم ارد


أنا منسحب تابع مع الشيعي ههههه أقصد الايراني

[حسن الوطري]

شاعر الوطن بعد اذنك

استلم يالايراني

انته ايراني والعجم ما عندها غير الرطين = هات البطاقه لجل امشيها حسب قانونها

المها وايضا افرقها يسار ومن يمين = واحط حبتها على المعيار في طاحونها

[الايراني]

استلم من الايراني

اخلفت درب القافيه واخلفت درب الحالتين=واناس يالوطري عليك تلد حمر عيونها
وشلون تشهدلي بشعري وانت توك بالبطين=اطلع على روس الجبال اللي ثقال ركونها

[عنتر زمانه]

ترى الايراني اخطر من الموت

لا احد يستهان به

وطالع لصلااه

[حسن الوطري]

ما اخلفتها يالمختلف الحين ولا بعد حين = مير الايراني ما فتهم ياصحابنا لفنونها

والله ماذكر من خلقت اشهد انا لبو الحصين = روح ترا سحم الذيابه كشرت بسنونها

[الايراني]

خذها من عمك الايراني

لاوالله الا اخلفتها وراحت مراح الاولين=اعميتها وصميتها ياللي كحلت عيونها
اثرك تحرث الموس يالوطري سوات ام القرين=ام القرين اللي تحرث والبلاء بقرونها

[كاتب الرشيدي]

للمرة الثانيه

يالربع كن كاتب مامر بالصفحه هههههههههه

واين الأستقبال والترحيب ماهي عادتكم

والإ تبوني احذف الموضوع على شان تشوفوني هههههههههه

ماتسمع الأيراني يوم يقول الناس حمر عيونها

الإ الأيراني من اين جاء ياعنتر

صحت ألسنتكم محاورة من الوزن الثقيل

ترى امزح عليكم

واصلو وصلو