[عالي الصيت]

وانا مثلك بعد لكُن اشوفك مارقيت الجال=قصرت اخطاك يوم الناس من قبلك يحوفونه
تقول انك قريت اكتابنا والعلم يبغى ايصال=وانا اقول ان مثلك ياصحيبي صعب يقرونه

[الأمبراطور]

انا ماني فقير اشحذ عشايه واتبع العمال**ولكني بليت بناس ماءهم مايذوقونه
اشوف الذيب يسبركم على المرقاب خمس اليال**عليكم تضرس انيابه مثل ماتضرس اسنونه

[عالي الصيت]

تقوله والله اعلم وانتبه لامن زمانك مال=اقول الله يصح لسانك اللي هام حنحونه
اشوف الذيب يعوي بالخلاء قدام لايختال=وبه ناس ليا حطوه في راسه مايخطونه

[عالي الصيت]

عن اذنك اخوي الامبراطور تشرفت باللعب معك لكن وراي شغل لازم اطلع

اشوفك على خير,,,,

[الأمبراطور]

انا وسط البحور العايمه ماني قصير احبال**اجيب اللول والدر الثمينه وانت زيتونه
علامك بأخر المشوار ياعالي جرحت البال**تبي تضبط علومك مير زاد الهرج عن شونه

[الأمبراطور]

هلابك واللعب معك شرف

[اخو عبده]

طاروق مميز ياشعار

[عنتر زمانه]

بكل أمانه أنني منبهر من الابداع عالي الصيت شاعر وسبق أن أبديت أعجابي به ولكن أبهرني الشاعر الامبراطور فهو شاعر عملاق وقوي ومخضرم فلديه حبكه شعريه فذه لا يجيدها الا شاعر

أتمنى أن تتحفنا وتتواصل معنا فأنت مكسب وهنئيآ لنا بك

اقتباس من مشاركة الأمبراطور أنا عاقل اليا مني لقيت العالم العقّال**وأنا جاهل اليا مني لقيت الناس ملعونه قريت أكتابكم ياصحابنا مجلّد بنص اريال**حروفه تكشف اللي فيه مع نمرة تليفونه

تسجيل أعجاب مع أنني معجب بكلتا ماقلتم من الطرفين
ولكن هذا البيت يتفرع الى عدة أمور ونكتفي بنقله والاعجاب فيه بدون الدخول الى التفاصيل

الف شكر لكم جميعآ