[عابدالبراك]

اقتباس من مشاركة غازي اشوف بعض الاوادم مثل ساع البريد=احيان من تحتها واحيان من فوقها ماني مطول عليك الهرج اكرر واعيد= هذي شوارد نوادر والهوا شوقها

يامكثر اللي نشوفه من حميد وسعيد=لاكن راع المعرفه طيع لاتبوقها
الله يسلمك هرجك واقعي لا تزيد=ناسن تلبس موالفها عل ذوقها

[عابدالبراك]

مرحبا بالجميع في محلكم

[البرق الخاطف]

امسي على الجميع في خير
وارحب في الصديق المخلص الموجود دائما على البال
معيض الرشيدي وقول مبروك عليك هذا المنصب الجديد
والرجل المناسب في المكان المناسب

[غازي]

اقتباس من مشاركة عابدالبراك يامكثر اللي نشوفه من حميد وسعيد=لاكن راع المعرفه طيع لاتبوقها الله يسلمك هرجك واقعي لا تزيد=ناسن تلبس موالفها عل ذوقها

ليش الهوا ماتومي في عسيب الجريد= وتطيّح النخله اللي يبست اعروقها
منكم ومن رايكم ياصحابنا نستفيد=اما المهابيل ما ناقف على حلوقها

[عابدالبراك]

اقتباس من مشاركة غازي ليش الهوا ماتومي في عسيب الجريد= وتطيّح النخله اللي يبست اعروقها منكم ومن رايكم ياصحابنا نستفيد=اما المهابيل ما ناقف على حلوقها

العلم مايجهله ياغير واحد بليد=لاكن عملتك ميز ميز افروقها
لو مت لو مت ياغازي ماقالو شهيد=قالو يغني مع النسمه وطاروقها

[غازي]

اقتباس من مشاركة عابدالبراك العلم مايجهله ياغير واحد بليد=لاكن عملتك ميز ميز افروقها لو مت لو مت ياغازي ماقالو شهيد=قالو يغني مع النسمه وطاروقها

يعني تبيها كذا باللي تبيه وتريد=وتذوقها والعرب ياشيخ ماتذوقها
وش رايك اجرها واطق حيد ٍ بحيد= والبدو تعرف وسيمتها على نوقها

[عابدالبراك]

اقتباس من مشاركة غازي يعني تبيها كذا باللي تبيه وتريد=وتذوقها والعرب ياشيخ ماتذوقها وش رايك اجرها واطق حيد ٍ بحيد= والبدو تعرف وسيمتها على نوقها

انا تراريس الدوله وعندي رصيد=اصرف علي الشعب والخزنه بصندوقها
لالا دخيلك توقع من قريب وبعيد=خل ام شيهان بالدنيا عل اسبوقها

[عابدالبراك]

تصبح عل خير ياغازي بيض الله وجهك ولعبن معك شرف لاهنت

فمان لله