[الهكرز الشويلعي]

	صح للسانك يابوصالح قصيدتك جميله جداجداجداجدا وفالك الطيب

[الهكرز الشويلعي]

• بيض الله وجهك على القصيده

[الهكرز الشويلعي]

شاعر بني عبس ابصم بالعشره

[كهل الصباء]

يامل قلبن كن يبراه باري=يفر دالوبه ويبرم بريمه
مصادر الماضي هجوس الطواري=مثل (الجد يحه للجوح) القديمه
لم أفهم شيء أعتقد انها اخطاء مطبعية.

موسوعتن مابين كاتب وقاري=خصمين كلن مختلف مع خصيمه
ماهو على صفقه بسوقن تجاري=رسايلن جوالها ماتضيمه
تجلب على القلب السليم الهذاري=والفايده من حض راع النميمه
والي يقول انه عن الوضع داري=ماهو رسول الله ولاهو كليمه
لابد ياخذ بالاموراستشاري=الصفر ماتقبل عليه القسيمه
دورلها غيرك خوي" مباري=من حسبة اصحاب العقول الحكيمه
يعطيك نبذه من صحيح البخاري=الي جمع كل الامور العضيمه
لاتحط في وجه الصراحه كباري= الجو بارد والسما فيه غيمه
يلي تذكرني بخوة (امكاري) = بذكرك في حب وافي لشيمه
البارحه وانا مع الليل ساري=في مربعانيه وخدره وديمه
ليلن يهجرس فيه ذيب الغداري=دامس واله بين الحنايا وسيمه
ذكرى تبنتها حزوم الصحاري =مرباع قطعان الخفوق وحميمه
ون (غردة) فوق الجريد القماري=والريح يلفح بالجرايد نسيمه
خطأ اعرابي لأن غردت مفردة تستخدم للقمرية والجمع غردن القماري.

يطرق تحت فيه غدير الخباري =(محذا) زغاريد الحمام وحطيمه
تعجبني باستخدام هذه المفردة بالذات لانها تعبر عن ثقة الشاعر بنفسه واستخدامه للهجة فخذه.

هذا هواي ورغبتي وختياري=مع صحبة الطيب قوي العزيمه
الي الياهبت هبوب الذواري =صداقته تبقى صداقه حميمه
(ماهي صداقة لعبة عضيم ساري=الي نجاحه قابلن للهزيمه)
تشبيه عظيم.

لله درك أيها الشاعر,,,,والله العظيم انها رائعة من شاعر رائع,,,,,,,
أبلغك اعجابي بهذا الابداع.




ودمت بووووووود

[الليل]

هذا هواي ورغبتي وختياري=مع صحبة الطيب قوي العزيمه
الي الياهبت هبوب الذواري =صداقته تبقى صداقه حميمه
ماهي صداقة لعبة عضيم ساري=الي نجاحه قابلن للهزيمه

انا اشهد انك عز الصديق والرفيق

مؤسس مدرسة الصداقة والدليل علي ذلك صداقتك مع صديقك ابو سعد ورفيق دربك

ولا تلعب مع خويك عضيم ساري

[عايض بن صالح]

[size="5"]الاخ الهكرز اشكرك على الكلام الطيب الله لايهينك

الاخ كهل الصبا

مافيه خطا مطبعي وش الي يذكرك بالماضي طبعن الهجوس والهجوس منين

جت من الطواري وهنا..

تصبح مثل الجديحه والجديحه ولع النار بالحطب

على العموم بيض الله وجهك على اكلام الطيب وصراحه شاهده منك اعتز فيها

تقبل احلا التحايا والاحترام


الاخ الليل بيض الله وجهك ولا عليك زود ومعروف عنك الطيب والعلم الغانم

اما بخصوص خويي ابو سعد عزالله ونعم الخوي والله مقطع الفرجه بدونه

تـــــــــــــــــــحيــــــــــــــــــاتــــــــ ـــــــــــــــي[/size]

[عبداللطيف العايضي]

:
صح اللسانك ابوصالح الشويلعي
:
قصيده جزله ومن جزل ورائعه ومن رائع
:
يعطيك العافيه ونتظر جديدك ابوصالح
:
تقديري لك

[هداج]

ابو صالح الشويلعي



صح لسانك على هالجزله ومن راسٍ جزل


وفي انتظار جديدك


احترامي وتقديري لشخصك