[مشلش]

الظاهر الليله تبا تالع حريقي = مابيننا والشوك تحت القحوياني

انت منت بلا عدو ولا صديقي = فالسكه اللي واصله بر الاماني

[بيطار الشعر]

مشلش وحمد

صحت اللسنتكم

عاشوووو,, عاشووو

[مشلش]

صح ت ابدانك

يالبيطار

[عميان]

اقتباس من مشاركة مشلش الظاهر الليله تبا تالع حريقي = مابيننا والشوك تحت القحوياني انت منت بلا عدو ولا صديقي = فالسكه اللي واصله بر الاماني

انت من نومتك لايمكن تفيقي = غارقن في بحرنا ياليل داني
من تسمع لنصيحه مايضيقي = كود من قلبه معلق بالاغاني

[مشلش]

فيه شين لااق واشياء ماتليقي = نعنبو مجناء فلان ابن فلاني

والله ان في طرقتي مالك طريقي = لو تشد السرج وتشد العناني

[عميان]

اقتباس من مشاركة مشلش فيه شين لااق واشياء ماتليقي = نعنبو مجناء فلان ابن فلاني والله ان في طرقتي مالك طريقي = لو تشد السرج وتشد العناني

وش تسوي الكهربا بسلكن دقيقي = مايفيد الا نوصل سلك ثاني
انت ودك لكن الفرق الحقيقي = ماتجي مثل الجمل والا الحصاني

[مشلش]

فوق نارك كم دلال وكم بريقي = وكم حفظك الله تحفظ امن المثاني


ماجهلنا لا سنام ولا طويقي = موقفي حساس والخافيه ماهو بياني

[نواف بن مفضي]

صح الله السانك يامشلش