[على هونك]

اقتباس من مشاركة سعد الرشيدي ترى دجاجه حجمها خمس ميه =مبهره ومكشنه ومحموسه تسوى ثلاث مفطحات وتحيه= في مجلس ماتستريح بجلوسه

من كثر مادجت الديار الخليه = ومن كثر ماداحمت زحمه وحوسه
الجوع لاذقته مع المقدريه = الذ من زاد الوجيه العبوسه

[ناصر خنيفر]

هلا بالجميع والمعذره عن التاخير ماعلمت بالدجاجه المحمره غير اليوم

صدر الدجاجه عقب وقت العشيه= مع حمطتن فيها الخضار مهروسه
اخير من ذبح الثني والثنيه= اللي تزايد كل عامن فلوسه

[وضاح اليمن]

انا اخو مزنه نرجو مقاطعة شراء الخرفان والحشو بسبب سعرها الجاير

امقاطع الخرفان واجب عليه= هذا قراري دون دينن غموسه
من راتبه يقل عن تسع ميه= دجاجتن وحده توقي ضروسه

[البرمكي]

الله الله ياعبس لو يعلمون عنكم تجار الدجاج عطوكم مكافاه على تشيع تجارتهم اسمعو اخو فطيما وش يقول

اول نحمد الرب رب البريه= مخضر شجرها عقب وقت اليبوسه
ابلادنا بالصيد ماهي خليه= بصحراء العراق تشوف باقي رموسه
اما الدجاج اموت ماني خويه= مادام ذبحه يذبحونه نجوسه
خلا القلوب الصاحيات مغطيه= امثلجه وعضامها تقل سوسه

[سعد الرشيدي]

بيطار الشعر
بروفسور الشعر
محمد همي
على هونك
عمدتنا المؤقر ابو تركي
شاعر اليمن الكبير
الشاعر اخو فطيمه

كل الشكر لكم على هذه الابيات الوافيه والكافيه لمجارات قصيدة الدجاجه ..
سيتم ايصال كل الرديات لشاعرها وصح اللسنتكم ...

[محمد الرشيدي _2]

قوله دجاجة والعشاء ياخويه /م/ تمره تفره ضروسه تحوسه
عد الثلاثة لا رياسة قويه /م/ يا مجلس خالي جنونه تدوسه

[ناصر الرشيدي..]

صح لسسسانك