[النقيشى]

عاش السيف القاطع

[العدالروي]

اقتباس من مشاركة السيف القاطع الله اللي يعلم الاسرار يا عبد المجيدي=كان قام الحظ مره طاح حظه ثم قامي وانت قالبها معاند والرسايل با البريدي=والمزون تلوح والبراق في متن الغمامي =

آآآآآآآآآآآآآيييييييييييييييييه

الله اللي عالم ابما تخفي صدور العبيدي=وانت الك قدر ومقاماً منزله منزل مقامي
ان كنت في وضعاً تمام احذرعن المبداء تحيدي=من يغيرفي المبادي ماهوبوضعاً تمامي

[العدالروي]

اقتباس من مشاركة النقيشى العدالروي صح بدنك البارح نزلت موضوع محاوره كذبه ولاحدانتبه فيه لانه من المستحيل ان يحصل ايقول شديت كوري علي العقرب اوذاديوالهناديب@والبصره ابطانهاودبي اوفيبه رسنها

هههههههههههه
انت وش تقول

والله انه المستحيل بعينه مدري كيف لولفتها وجمَعتها


بس ان كان طاروق كلن يحط احتمالات مثل العقرب يمكن انها اسم للذلول ههههه

وانا ماني فاهم كلمة ..اوذادي هي صح كذا والا زادي المقصود

[السيف القاطع]

اقتباس من مشاركة العدالروي آآآآآآآآآآآآآيييييييييييييييييه الله اللي عالم ابما تخفي صدور العبيدي=وانت الك قدر ومقاماً منزله منزل مقامي ان كنت في وضعاً تمام احذرتغيرت بالمبادي=من يغيرفي المبادي ماهوبوضعاً تمامي

انت تنظر با القريب ولاتفكر با البعيدي=وانت الك قدرن كبير وبين كل الناس سامي=

انت غيرت المبادي والقوافي وش تريدي=يمكن ان الوضع عندك لاشراب والاطعامي=

[السيف القاطع]

اقتباس من مشاركة النقيشى عاش السيف القاطع

عاشت ايامك يا النقيشي

[العدالروي]

اقتباس من مشاركة السيف القاطع انت تنظر با القريب ولاتفكر با البعيدي=وانت الك قدرن كبير وبين كل الناس سامي= انت غيرت المبادي والقوافي وش تريدي=يمكن ان الوضع عندك لاشراب والاطعامي=

اقول عدل الاقتباس
والله ان العتب على النظر ههههه

آآآآآآآآآآآآآآآآيييييييييييييييه

لاتحسب انك كسبت ابها وسام ولارصيدي=كان ماصححت بوضاعك تعداك الملامي
لو تصيد بالعكر يالسيف وش خمنك تصيدي=انتبه ماباقي الاعلماً يقص العظامي

[السيف القاطع]

العد الروي تشرفت با اللعب معك الله يعطيك العافيه ويسعدك
كما اشكر النقيشي علئ المتابعه والحضور

[العدالروي]

اقتباس من مشاركة السيف القاطع العد الروي تشرفت با اللعب معك الله يعطيك العافيه ويسعدك كما اشكر النقيشي علئ المتابعه والحضور

لاهنت يالسيف وانا والله اني سعيد بمشاركتك الطاروق واللعب معك له رونق خاص
كبير بشعرك واخلاقك وسعة صدرك

اتمنى ان اكون قدمت شئ يجملنا والعذر ان حصل تقصير

وكذلك شاكرومقدر للنقيشي حضوره وتفاعله بيض الله وجيهكم