[المعزب]

اقتباس من مشاركة ابن حيان انا وشلون ابا استانس وهو يتبعني الديان=على غفله ولا يفيدبه بندق وباكوره دخلت الغبه الزرقا ولاشفت اكبر الحيتان=عسى ماشر والدنيا لها وجه ولها دوره

لو انك عشت في هذا الزمن في عيشت الشيبان=لقيت الخير يالشايب ماعشت بحال مستوره هههه
على كبد السما يزرق بريق الجدي للتيهان=ولا يخفى عجوز البيت لو في عينها عوره

[المعزب]

اقتباس من مشاركة سعود العرعري طبعا شعر صح السانك يا المعزب ولا يهون بن حيان

صح السانك ياسعود العرعري ولاهنت

[شاعر الجيلين]

اقتباس من مشاركة المعزب لقيت العالم تسولف عن انتاج الجمل لحيان=لو ان الهرش خفه من ذراعه ماهبد زوره انا ماقول فيك قصور والعمده قصيده بان=مع العالم يغنونه ماهو تمثيل واسطوره

ذكرتني بجمل رحمة عمي الله يرحمه ويبقي حياتكم مثل ماتقول هرش لكنه قصير لكن ماتقربه الزمل لامسك البعير كسريده وبرك عليه لاحنا بشمال هاك السنه والارض مليانه من الذيدان وزمل عتيبه وحرب الي كنه ظلعان المهم هاك اليوم وردوه من مفلاه يضرب له ناقتن بمراحها ويوم خلص والتفت علي الابل
لاهو يشوف الجمل بين الايفه وهو ينطلق عليه وهو يقظع ذراعه وهو يبرك عليه وهو يقوم فيه الجمل وهو يعرط بسنامه
وهذا يفظ امع الخلا وتعال شوف هالمنظر الله لا يبلانا ههههههههههه

[المعزب]

اقتباس من مشاركة ابوتوتو عاشووووووووووووووووووو بصف الجميع حيان هذا شاعر كبير الله يكفينا شره وين مندس من هالسنين يخزن شعر ههههه عاشوووووووووووووو

اهلين يابو توتو يشرفنا وجودك

[المعزب]

اقتباس من مشاركة ابو موسى السلام عليكم جميعا حيا الله ربعنا يا سلام عليك يا المعزب مبدع ولايهون الشايب ابن حيان مبدع كذلك المعزب مكسب للمنتدى وابداعه يكفيه في عيون اهل الشعر

ارررررحب اررررررحب يابو موسى والله انك عزيز وغالي

وجودك في هذا المنتدى مهم للغايه

[المعزب]

اقتباس من مشاركة شاعر الجيلين ذكرتني بجمل رحمة عمي الله يرحمه ويبقي حياتكم مثل ماتقول هرش لكنه قصير لكن ماتقربه الزمل لامسك البعير كسريده وبرك عليه لاحنا بشمال هاك السنه والارض مليانه من الذيدان وزمل عتيبه وحرب الي كنه ظلعان المهم هاك اليوم وردوه من مفلاه يضرب له ناقتن بمراحها ويوم خلص والتفت علي الابل لاهو يشوف الجمل بين الايفه وهو ينطلق عليه وهو يقظع ذراعه وهو يبرك عليه وهو يقوم فيه الجمل وهو يعرط بسنامه وهذا يفظ امعه الخلا وتعال شوف هالمنظر الله لا يبلانا ههههههههههه

ههههههههههه عساه مات بشرني

[ابن حيان]

اقتباس من مشاركة المعزب لو انك عشت في هذا الزمن في عيشت الشيبان=لقيت الخير يالشايب ماعشت بحال مستوره هههه على كبد السما يزرق بريق الجدي للتيهان=ولا يخفى عجوز البيت لو في عينها عوره

تصافحني ولا ودك تصافحني كذا يافلان =علومك كلبوها في محاكم ذاك منظوره
تساوت بك على الجودي ولا ترسي ورى دسمان=وابن حران مافاده دواه ومات فبدوره

[شاعر الجيلين]

اقتباس من مشاركة المعزب ههههههههههه عساه مات بشرني

اي علي الحرام انه ماخذ له يومين الا هو من صيد امس وكل يوم وهو معلق بغار بعير وذابحه مدة اسبوع لين فك الله قصرنا من اباعر عتيبه وحرب بسبت قصير الذرعان هاك السنه
مير عيون الناس ماترحم ذبحه صل ومات من ساعته محد دراله