[مصفي المرح]

اقتباس من مشاركة الشبح ما تعجل على غيم ً يدفه الهوا...كيف أعجل على شي ً يجيب الغيوم واثق النفس يمشى ما يطالع ورى.. عادت الفارس اللي ما يهمه الخصوم

المزن ساق رتله صوب وادي طوى = لاتحسبك من السيل الغزير محروم

أنت عندك لياقة لاعبين القوى = والحقيقة يقال ان النشيط مهزوم

[كاتب الرشيدي]

السلام عليكم ورحمة الله وبركاته


اسعد الله اوقاتكم بكل خير

عاااااااااااشو الشعار وطاروقهم الرائع

وامسي على الحضور

[مصفي المرح]

اقتباس من مشاركة كــــاتــــب السلام عليكم ورحمة الله وبركاته اسعد الله اوقاتكم بكل خير عاااااااااااشو الشعار وطاروقهم الرائع وامسي على الحضور

عليك السلام ورحمة الله وبركاته

عاشت ايامك ولياليك يابو عبد العزيز

[الشبح]

اقتباس من مشاركة مصفي المرح المزن ساق رتله صوب وادي طوى = لاتحسبك من السيل الغزير محروم أنت عندك لياقة لاعبين القوى = والحقيقة يقال ان النشيط مهزوم

كان حبل الموده يا عميل اللتوى .... دنيتك كلبوها تمتلي بالهموم
كان هذا كلامك قلت مالك لوى ...راعي النوم ما حصل خيار القسوم

[مصفي المرح]

اقتباس من مشاركة الشبح كان حبل الموده يا عميل اللتوى .... دنيتك كلبوها تمتلي بالهموم كان هذا كلامك قلت مالك لوى ...راعي النوم ما حصل خيار القسوم

لاتفرنك ترى إلي في يديني سوا = حلل اللعب لاتكبت عليك وتقوم

الشبح كل ماوصف اله مسيره غوا = الله اكبر وش إلي باقيً من علوم

[مصفي المرح]

صح اللسانك يالشبح شاعر كبير ماقصرت تشرفت بالعب معك الطاروق انتهى من عندي وتصبح على خير

[الشبح]

اقتباس من مشاركة مصفي المرح لاتفرنك ترى إلي في يدين سوا = حلل اللعب لاتكبت عليك وتقوم الشبح كل ماوصف اله مسيره غوا = الله اكبر وش إلي باقيً من علوم

كل طاغي يكبر في علومه هوى ...لاهوى ينتهي ماعاد يقدر يقوم
يا مصفي ترا الدكتور يعطي دوى .. كل مرضان ياكل منه وقت اللزوم

[الشبح]

اقتباس من مشاركة مصفي المرح صح اللسانك يالشبح شاعر كبير ماقصرت تشرفت بالعب معك الطاروق انتهى من عندي وتصبح على خير

تلقى الخير

تصبحون على خير