[ذيبان الرشيدي]

حييت .. ياجرحٍ من العام ماشيف =عقب البطا .. ياجرح مرحى وسهلا
عقب المفارق .. وافتراق المواليـف =صبرك على قلبي .. ترفق ومهـلا

[ذيبان الرشيدي]

أيامنا مرت .. ولابـه حسافـات =والليل الأسود .. ماشكته المدينـه
والسوبحه .. والبسمله والتحيـات =كم وسعت .. صدر النفوس الحزينه

.
.

[ذيبان الرشيدي]

الوقتْ قَصّر .. والسهر صار ماكـر =والليـل ودع .. صاحبـه يــا الكحيـلـه
والصبح جَوّح .. وأدبر الحلم ناكر= والـقــلــب هـتــانــه .. تـكــاثــر قـلـيــلــه
الا يـا بعـد بنـدر .. وصـالـح وشـاكـر =والليث الأبيض .. والوطن والقبيلـه
جيتك مقفي .. والوعـد معـك باكـر =مابيـن .. حـوبـات البـيـوت الجزيـلـه

[ذيبان الرشيدي]

أن كان قلبك .. يطلب الغيمه لحاف = شفني .. تلحفت الثرى في غيابـك

[ذيبان الرشيدي]

ايييه بدويه .. في هواها تصبرت = يوم أختفى عني .. وقفا سناها
في طعسها .. ياما سمرت وتغبرت = من عقب .. مادجنا وذقنا عشاها

.
.
إرتجالي بَحت ..
لم يُخالطه السُحتْ ..!

[ذيبان الرشيدي]

أنتظرتـك .. والليالـي تـودي ماتجيـب =وأنتخيت الحظ .. والحـظ مابـه مرجلـه
ياوسيع العرف .. وأن كان بِك شكٍ وريب =أترك القلـب المُعنـا .. وحاذر تشغلـه

[ذيبان الرشيدي]

لولا المواقف ..ماكتبت القصايـد =ولولا الظروف .. القاسيه ماتغنيت
ولولا الهموم .. الماضية والجدايـد =ماسقت أنا .. حزن القصايد وونيت

[ذيبان الرشيدي]

اليـا خـربـت .. يـاصـاح قــرب مخـدتـك = واجلـس تمغـط .. بالسريـر وتشقـلـب
وخـل الـذي .. هـده عـذابـك وصـدتـك =يشرب بعد فرقاك .. شيشه وسحلب