[المعزب]

اقتباس من مشاركة ناصر خنيفر يالله يالمعبود ياعالي الشأن= فردن صمد ماحدن يشابه صفاته يامن على عبده فرض خمس الاركان=لاقامهن عبده تحقق نجاته ترحم عبادك في شهر كله احسان= وتمحا الذنوب وزيد كل احسناته مافيه غيرك نطلبه سر واعلان=اليا رحمة العبد تمت براته ورجع على اللي في هوى الغي غرقان= اللي يحسبه دايمن في حياته بعض البشر قلبه من الحسد مليان= وهو مايدري بعد ساعه وفاته شغله ينافق في قفا فلان وفلان=في غيبة المسلم ماتبطل شفاته ويقوم لفروض الولي وهو كسلان= تقل مغصوب اليا دعوه لصلاته وهو مايدري وش يخفن الازمان=يقول توي والعمر في طراته الموت مافرق بشيبن وشبان=اليا انتهت بيرن تقارش حصاته ويالله عفوك عند روغات الاذهان= بيومن يخيف العبد شوف اظلماته غار العمل مابه صديقن وخلان=هو الوحيد اللي معه في رفاته توبو قبل يات العمر كل ديان = واليا وصل ماعاد فيها التفاته العام كم معنا رفيقن وصدقان =واليوم ماباقن سوى ذكرياته عبره لكن ان انسو طبع الانسان= وهاذي نعم من ربي ومكرماته

الله الله الله

اشهد انها حبكة شاعر غزير هذا الشعر الحقيقي

كم فيها من الحكم والنصايح والتذكير للغافلين

جزاك الله خير يابو تركي وصح الله السانك يالعود

[ناصر خنيفر]

اقتباس من مشاركة المعزب الله الله الله اشهد انها حبكة شاعر غزير هذا الشعر الحقيقي كم فيها من الحكم والنصايح والتذكير للغافلين جزاك الله خير يابو تركي وصح الله السانك يالعود

ههههه جت من الصديق القريب كل شي اسمح فيه الا كلمة العود يامكرم الضيفان على كلا مشكور
ولاتعودها ترى لو ماحنا في رمضان شرشحتك بقصيده من النوع اللي تشبب بالقلب هههههه

[ابو عوجه]

صح السانك يالعمده لكن حدد لنا وقت ابلهبك في طاروق اخليك تقذف حليب امك اللي كم له سنه في بطنك
ههههههههههههههههههههههه

[طنطاوي]

يا العمده الشايب على كل الالحان = تشعب بعيرك لين كبرت لهاته
البر تلقى فيه لولو ومرجان = والبحر يا العمده سرحت بنباته
على اخر الرحله بعد كان ما كان = تقول عمرك تو حلت طراته
على الفضا مابه عقارب وديبان = خلك هنا ما غير وده وهاته

[البعيد الهادي]

صح السااانك يابو تركي
فرائد جزله ومؤثره
سلمت ودمت
وكل عام الجميع بخير

[مجرد اسم]

تجاوزت حدود الابيات يا عمده الحاره

[وضاح اليمن]

اقتباس من مشاركة طنطاوي يا العمده الشايب على كل الالحان = تشعب بعيرك لين كبرت لهاته البر تلقى فيه لولو ومرجان = والبحر يا العمده سرحت بنباته على اخر الرحله بعد كان ما كان = تقول عمرك تو حلت طراته على الفضا مابه عقارب وديبان = خلك هنا ما غير وده وهاته

اسمع انا بدل العمده العمده مايبي يخطي بالشهر الفضيل ولكن ابويمن يغلط وربه يرحمه انشالله

يالمفتي اللي تعترض ذرب الايمان= لاتصير من يلحق عدوه عباته
هذا ابو تركي لاحتما كل ميدان=تموت ماجبتو ربع مفرداته
تفتي على قلة سنع يابن طنطان=الشعب فتواكم سبايب شتاته
ام العروبه حرق الدمع الاعيان= كله سببك اللهما لاشماته
ونكان راسك يابيض الوجه ضرمان= انت تعرفنا بالرخا وسعواته
انا اخو مزنه بالملاقا كحيلان=كم فارسن منكم بكنه بناته

[ناصر خنيفر]

اقتباس من مشاركة ابو عوجه صح السانك يالعمده لكن حدد لنا وقت ابلهبك في طاروق اخليك تقذف حليب امك اللي كم له سنه في بطنك ههههههههههههههههههههههه

هلا ومسهلا بعويجان رمضان مافيه لهب ههههههه