[سعد بن عادي]

علموا اللي يرسم اجزاء الهلال الخاسف
والله ان تِقطع يمينه .. قبل لا يفهقها


اقدم ووجهك طليق .. ووجه غيرك كاسف
يا أمير الديرة اللي كلنا نعشقها

[سعد بن عادي]

أنتي تقولين .. أبي أسمع لك ومشتاقه
وأنا بعد يالغلا .. مشتاق أبي اسمع لك

ترى الغزل .. ما يجي دايم على فاقه
الا ليا صار .. مثل الورد يجمع لك

يا باقة الحسن .. هاك من الغزل باقه
أكبر مناها تجي مثلك .. وتطلع لك

لا صرتي أنتي .. هواويـّه وذوّاقه !!
وش عذر الأبيات .. ما تسجد وتركع لك ؟؟

هرجك عسل سدر ؟ لا .. ولا لبن ناقه
هرجك .. سحر قلب .. مسلم مات من فعلك

روحي .. تروح الحياه .. ويعلن فراقه
وألا تعالي .. ورد ّ الروح .. يشفع لك

[سعد بن عادي]

بلاني الله .. بشي ٍ ماتمنيته
علمني الشوق .. كيف اعلم الورقا
عن قيمة الدمع يوم آقف على بيته
بين اعتزازي وبين عيوني الغرقا
صنعت للوجد تاريخ وتحديته

[سعد بن عادي]

أنا قلم { حر } !! ليه أصيح وأنادي ؟
يقراني اللي ماياصل له { صدى صوتي }

إن عشت شوكة وعود بعين حسادي
وإن مت عزوا حروف الشعر في موتي !

[سعد بن عادي]

سافري في عالمي وأنتي وحيدة
وأنثريني وأجمعي (باقي) شتاتي

مامعي غير (الأمل) شئ أستعيده
شنطة الآمال تحمل !! ذكرياتي

مستعد أكتب من آمالي قصيدة
حبرها دمي .. ودفترها (حياتي)

شاعرك رجلً طموحاته بعيدة
وإن عطاك الشئ ماقال لك هاتي

عاش تحت العز من فوق الحديده
هايمً محصور بين أربع جهاتي

دام قلبي ينبض الدم في وريده
بعتبر نفسي (غني) لو بإمنياتي

آكبر آمالي نصر (دين) و (عقيدة)
وأصغر آمالي خشوعي في صلآتي

وكآن مت ولا أعتبرتيني فقيدة
أرسلي لأهلي عزاية في وفاتي

لآتفوتك فرصة العمر السعيدة
قبلك اللي مابكوني في حياتي

[سعد بن عادي]

دام قلبي ينبض الدم في وريده
بعتبر نفسي (غني) لو بإمنياتي

آكبر آمالي نصر (دين) و (عقيدة)
وأصغر آمالي خشوعي في صلآتي

[سعد بن عادي]

مــاجــوره ، الله لايـوريـتــس مــكـــروه
ويـــرجّـــع لـقــلــبــي امـــانــــه ودمـــــــه
سلك المغـذي يـوم فـي يدتـس حطـوه
دقــــوه فـــــي قـلــبــي وغـــــذوه هــمـــه
كذاب ، لو غيرتس من الناس هموه
مافـيـه غيـرتـس فــي حـيـاتـه مـهـمـه
واللي حرمه الوقت مـن شوفـت أبـوه
يـهـتــز قـلــبــه كـــــل مـاكــحــت امـــــه

[سعد بن عادي]

أكبر خطاء إنك تضحي لك لأجل واحد
يضحي بـ (تضحياتك) حسب مصلحته

يشوف نفسه (وفي) ويشوفك (الجاحد)
مع إنه أخطاء بحقك !! وأنت سامحته