[سعد بن عادي]

يا بيت الافراح لك عامين وانت مهدوم
ويا غصن الاعياد طلعك ما عليه اثمره

[سعد بن عادي]

صحيح انـا مشتـاق وابغـى وجـودك
وامـوت مــن فـرقـاك واحـيـا بـذكـراك
(ياقاتل الأشواق)( سيفك جحودك)
اسرفت في حبك ولا أجهل خطاياك
كنت الوطن وضلوع صدري حدودك
والـيـوم حطـمـت الـحــدود بـسـوايـاك
جفيتنـي واخلـفـت مـاضـي عـهـودك
ادرى جــروح القـلـب واقـــول تـفــداك
مانـي بمستغـرب جـفـاك وصــدودك
بس الغريبه كيف ما اقدر انساك؟

[سعد بن عادي]

من علّم الشمس تذكرني بوقت الشروق
ما علّم الشمس تنساني بوقت الغياب ..؟

اللي عطيته خفوق ., وما عطاني خفوق
واللي هقيته حقيقه ., وأكتشفته سراب

ما كنت الاحظ ألاعيبه .. وأشوفه صدوق
زليت في طيبتي ., وأعميت عين الصواب


أسقيت حبه من دموعي .. ودم العروق
وأسقاني الهم ..من كاس الشقا والعذاب


دامه جفاني وانا مشتاق وصله وأتوق
وش يزعله يا سنيني لو جفاه العتاب ؟


عزاي بأني وفيته .. ما جهلت الحقوق
والأرض ما تقدر تجازي حقوق السحاب

[سعد بن عادي]

يا طير غرد عن الفرقا وطول الهجير
مادام شجرة (وفا العشاق) غادرتها


دريت بأن الحزن آخر دروب المصير
من يوم غابت عن عيوني وفارقتها


يا وقت انا بعدها عايش ولكن ضرير
تموت الأحلام في قلبي ما حققتها


اهديتها من (صدوق الحب)نفح العبير
واهدتني الصدمه اللي ما توقعتها


يا قلب لا تكثر الشرهه وخلك كبير
خطاي بأني على النيه وصدقتها




.
.
.

[سعد بن عادي]

خباث الضمائر تشعـل النـار بالكبريـت
ولــــو رحّــبــت قــــدام وجــهــي مــــا أجـامـلـهـا
وأنا ما ألتفت في شجرة الثوم والحلتيت
ولا أهـيـن نفـسـي لأقـشـر الـنـاس وأنذلـهـا

[سعد بن عادي]

بـيــن روح الـوجــود ونـازعــات الــمــرام
تلتـقـي صـفــوة احـسـاسـي ومضـرابـهـا
ودي الـحـق مشاريـهـي واعــد الـمـلام
قـبـل بـعــض الـسـوالـف ينـقـفـل بـابـهـا
دام الاصـحـاب يربطـهـا ولاء الاحـتــرام
قطعة الوصل من ياقف ورى اسبابها
ان هرجـنـا غبيـنـه وان سكـتـنـا حـــرام
والـلـحــى مـالـهــا الاهـيــبــة اشـنـابـهــا
مايطيح المطـر لا شـح وصـل الغمـام
والـديـرّ كـــل ديـــره ربـعـهـا اولـــى بـهــا
يــا حـشـام الـنـفـوس الطيـبـيـن الـكــرام
ويـن نـار الحيـاه .. وويـن شبابـهـا ؟
والله انــا ( عطيـنـا ) واجـبـات الـتـمـام
لـالــصـــلات الحـقـيـقـيـه ولـاصـحـابـهــا
فـي سبيـل انبعـاث النـور قبـل الـظـلام
و كـل خطـوة غريبـه نحسـب حسابهـا
مير هب الهوى العاتي ومـات الكـلام
والحـروف اوقفـت فــي طــرس كتّابـهـا
ليـن ربــي يعـجّـل فــي حـلـول الـسـلام
مـن يـعـوج الجـمـال .. يـعـدّل ارقابـهـا

[سعد بن عادي]

مشاعر الحب هوج ٍ موجها عـاتي
صادمتها بالثبات و لا خضعت إلها
ما غير اكوسر لحوني و اطرق أبياتي
أصوغها لك و أعدلها و أبـدلها
يا منتهى غايتي و أول بداياااااااااااااتي
جمايلك لا نويت تغيب ؟ كملها .!
أشغلتني عن دروسي واختــباراتي
من يمك أستقبل الأشواق وأرسلها
قفيت بالماضي وعينيك على الآتي
يعني جميع الفرص لازم تحللـها ؟؟
حبك حكاية جديدة من حكاياتي
حكاية شاب راســي من مقاااااابلها
ركّزت في مرقب العشاق راياتي
رفعتها فوق - و ابــن أمه ينزلها.!
ما لعْب في المسلمين إلا طموحاتي
من كثر ما قامت العالم تنـــاقلها ..
يالربع هو به حد ٍ سوّي به سواتي ؟!
من زود الإخلاص خربها من أولها .!
أجيه لين أصله و أشتاق و أحاتي
و الظاهر إن تالـيتها با تحصلـها ..

[سعد بن عادي]

يـدق فــي بـالـي مــن البـعـد هـاجـوس
واجـــــر صــوتـــي بـالـقـوافــي وأغــنـــيّ
لـو إنهـا بـالـروس ومـصـادم الــروس
ضحكة حجاجـي قبـل ضحكـات سنّـي
يا خوى لابسني من الحزن ملبـوس
كــــنــــه تـلـبــســنــي تــلـــبّـــاس جــــنّــــي
رجلٍ من صدوف المقادير محسوس
مـانـيـب مـــع جـــور الـزمــان متـهـنّـي
احبس بصدري هـم والدمـع محبـوس
وارجــي مــن الله صـبـر والـعـزم مـنّـي
التـجـربـة قـامــوس والـشـعـر قـامــوس
والــلــي يـبـيـنـي يــاخــذ الـعــلــم عــنّـــي
مـاتـوخــذ الـدنـيــا عــلاقــات وفــلـــوس
لــو إن نـجـر اهـــل المـصـالـح يـدنّــي
بـكـره يبـيّـن كــل مـــا كـــان مـدســوس
وانــــا عــلــي نـهـجــي وظــنّــي وفــنّـــي
الله يثـيـب نـفـوس ويعـاقـب انـفــوس
تـغــيــر انــفـــوس الــعـــرب مـاشـحـنّــي
امــا الظـفـر يـابـاري الــروح والـقــوس
والا الــمــمـــات ولا حـــيــــاة الــتــمــنّــي