[سعد بن عادي]

كلامهم عنك طول الوقت يذبحني
لكن وربّ الغلا والزاد والعشرة

من كثر مابيك حتى وانت جارحني :
أصبحت أردّد ترى الخاين معه عذره !

[سعد بن عادي]

ماعاد عندي حل , وش في يديني ؟
لاقادر آشوفك ولا قادر أسمعك

إن قلت لك بأخطفك ! لاتكرهيني
مشتاق لك ودي أبوسك وأرجّعك ..!

[سعد بن عادي]

رغم إنك قاسي ولا لك أمان
ورغم إنك كلما احتجتك تغيب :

الخفوق اللي يحبك من زمان
ماطلب للحين إسقاط الحبيب ..!

[سعد بن عادي]

أشوف طير المفارق من زمن حايم
وأدوّرك وأنت لاهي في مشاويرك

كم لي وأنا أحتاج شخص يضمّني دايم
لاتعطي القلب فرصة ينبض لغيرك ..!

[سعد بن عادي]

تطيح كل النجوم فـ راحة يديني
لاشفت بعض الأماني فوق طاقتنا

مادمت أحبك وأحسّ أنك تحبيني
المجتمع ليه مايفهم علاقتنا ..!

[سعد بن عادي]

نويت أفارقك لكن ماقدر جفني
كلما نويت أبتعد عنّك تمنّيتك ..!

مو كل شي ٍ يجي بإرادتي شفني :
ماكنت ناوي أحبّك بس حبّيتك ..!

[سعد بن عادي]

تدري متى تهلّ عينك أصعب دموعك ؟
لاشفت من قد حضنته ! في حضن غيرك ..!

[سعد بن عادي]

قل للمساء لايلمّح لي أبيّن غلاك
وقل للخلايق أبي شمسك ولا ظلّهم

مابي سوى صوتك الدافي وضحكة شفاك
لو أنت عندي ! وش أبغى فالبشر كلّهم !