[سعد بن عادي]

ارمي حمولك على متني وفدوى لك
متن حمل همك ولا اهتم في همه

بين الهدب والهدب فالعين منزالك
هذا الكلام الذي تبرى به الذمة

وان كان جفن العيون السود ما شالك؟
هذي معاليق قلبي واسكني يمه!

[الاجهر]

مبدع والابداع يفتخر فيك
تلعثم الكلمات وتقف العبارات حائرة امام سطور قلمك
تحياتي لك

[سعد بن عادي]

اقتباس من مشاركة الاجهر مبدع والابداع يفتخر فيك تلعثم الكلمات وتقف العبارات حائرة امام سطور قلمك تحياتي لك

سلمت يا ابو سعود ولاهنت منكم نتعلم .
وشكرآ لك على كل حرف خطة قلمك .
واتمنى آن أكون عند حسن ظنكم .

[سعد بن عادي]

يا سارقة شلال شعرك من الشمس
انتي دفيتي به وانا البرد اكلني!

فليه يمي ودي ادفى به من امس
رغم انه ادفاني وهو ما وصلني!

[سعد بن عادي]

عنـدي خـبـر والطـيـر مــن طلـعـة الطـيـر
مــفــهــومــةٍ دعــــــــواك مــــــــن غــــيــــر أدلـــــــــه
تـضـحـك وسـنــك مــالــه آيــــات تـعـبـيـر
كــــود الـحـســد والـحـقــد والــهـــم كــلـــه
حـرّث علـى كيفـك مــن الـشـر للخـيـر
مـاتـكـسـب الا الـخـسـخـسـه والـمــذلــه
دام الــرجـــل مــعـــروف مــافــيــه تـقـصــيــر
قــــــول الـــــــردي مـايـنـتــقــل مـــــــنْ مــحــلـــه
الــــنـــــيـــــه الــــنـــــيـــــه ولا غــــيـــــرهـــــا غـــــــيـــــــر
يــــوم انـكـشــف قـلـبــك وعـلــتــك عــلـــه
كانك تحسب الناس من غير تفكير
قـــــــد قـــيــــل (يــانــفـــداك كــــبــــه وخــــلــــه)
مـايـتـبـعـك يــاكـــود مـــــن عـقــلــه اصـغــيــر
امـــــــا يـــكــــون الـــظــــل ولا أنـــــــت ظــــلــــه
والـــرجـــل ودك يــفــهــم الــعــلــم ويــســيــر
فــــي ســلــم جــــده بــيــن مــذهــب ومــلـــه
هــرّاجــة الـمـقـفـي عــلــى ويــــش بـتـصـيـر
تـــســـلــــم لـــــهـــــا زلـــــــــــه وتـــقــــمــــح ابـــــزلــــــه
امـــــا تــخــلــط الـــشـــوك مــــــع ورد نـــويـــر
ولاتـــحـــط الـــســــم فـــــــي جـــــــوف دلـــــــه

[سعد بن عادي]

احدٍ نسوق الجاه له واحدٍ على الجاه امعثور
واحدٍ يحل المشكله واحدٍ فتح بيبانها .
. مقياسنا لو ضاع مابين المواشي والطيور
ما اكلف الساني على ناسٍ تمد السانها .
. اوقر الشايب واعد الطيبه والعور ..عور
ان كان به مردود رصيته على حجانها .
. الموقف الغصاب لايمكن يساومه الغيور
والخيل من خيالها يوم ادخلت ميدانها .
. انا خصيم العقل والاحساس والشهم الجسور
ولا الدبش حتى الخبل يلعن ثوا جدانها .
. مانيب حي الله بشر اثير مع كل من يثور
لا لجلجت شعارنا ثم اختلف ميزانها .
. يامن توردها على بعض السوالف والامور
اللي اخير امن الحكي نقطع لها شريانها .
. إشره على الطيب وخل الثور ينطح راس ثور
ثم شاهد التصوير لا تناطحت ثيرانها .
. ماتلحق الشكات وافين الخصايل والشبور
لو طولة امصارعتها واعتلت عجانها .
. درسٍ حفظته والتزم به كان ما فالخير دور
خط البصر والنار حطيته على نيشانها .
. علمني الشايب بإن الصدق للصادق حظور
يوم اغربت شمس الحقيقه وانطفت ظيانها .
. مثل الدليله في ظلام الليل والمنطوق نور
إن ماعطاك البينه ولا كتب عنوانها .
. لا دارت اقلوب البشر اعقولهم يمكن تدور
النفس في حكم الهوى والفُلك من ربانها .
. ان ماعطيت الشور لا تسمع من الجهال شور
ناسٍ كذا ماهيب تنشد عن زعل شيبانها .
. آواه.. يابعض العرب ماكنه العام امخبور
ان مالقا كلمة( نعم) ولا هدم سيسانها .

[سعد بن عادي]

لا كثرت اهمومي علي مافيه غيرك ارتجيه
فالعسر ولا فالرخى مافيه غيرك يا ودود


المعطي الرزاق والمنان والامر ابيديه
اللي من أفضاله على الاجواد من خيره نجود


تجارب الدنيا عظه واحلامنا واللي نبيه
المغفره بالاخره والفوز في يوم الخلود


رضاك يارحمن ماساوم ولابدّي عليه
لو كثرت اذنوبي فانا آمنت بك رب الوجود


اجاهد النفس الشقيه والخطا وان كنت اجيه
ماضاق صدري دام لي موضع يكفي لسجود


اندم على مافات والتوبة طريقٍ نهتديه
والهادي الله رحمته سباقةٍ قبل الوعود


في عالمي اشوف شيٍ مابدى منّه واليه
ابرئ من اعقول الكفر والملحده واهل الجحود


وجهة وجهي للملك من قبل تسّود الوجيه
اعوذ به واستغفره لامرني اوجيه سود


اللي وقايعهم مع التاريخ فالقسم الكريه
لا عمرو ولا اعمرو واجسادهم فيهم شهود


من قال مابه رب قل مافيه شيٍ ازدريه
الا انت ياوجه الكُفر للنار وامثالك وقود


من قبلهم فرعون والنمرود واقوامٍ تليه
مافادهم كثر التكبر والتعالي والجنود


( يِسّلم من الكُفار عَالِم ) ( عندنا يكفر سفيه )
مفارقه ابصرتها بين الهدايه والجمود

[سعد بن عادي]

لا تمجـدنـي وانــا كـائــن يـفـتـش عـــن مـصـيـر
لا تـسـوي مــن حيـاتـي شـــي مـاعــدت اقـبـلـه
كيف تكبر ياطموحي وانت في عالم صغير
أوًلــــــه نـــظـــره بــعــيــده واخــــــره نـــفـــس اوًلــــــه