[ابو موسى]

اقتباس من مشاركة عبدالله الحربي يا بو موسى كل رجال يدور شفه=مار انا شفي بيوت وافيه وسماني البدو فوق العدود مصدره ومكفه=وش يشيل الطرقي المجرود والضمياني

الله الله واسر يا ساري وعدك الضفه ----- خلها تتبع سنعها والابنادم فاني


الكريم اليا كرم قلت الكرم من كفه ----- مالك الا بعير وان ما جاك جاك حصاني

[وضاح اليمن]

اقتباس من مشاركة سمري مرحبا ياوضاح وشلون عمك العمدة

ماهو عملي نسخ كفالته وطردني وانا اليوم اعمل في مزرعة المعزب وانشالله يهديه الله ويسويلي اقامه

[وضاح اليمن]

اقتباس من مشاركة ابو موسى يا مرحبا يا وضاح عاش من شافك

عاشة ايامك

[ابو موسى]

اقتباس من مشاركة وضاح اليمن ماهو عملي نسخ كفالته وطردني وانا اليوم اعمل في مزرعة المعزب وانشالله يهديه الله ويسويلي اقامه

احسبنك شيخ قوم وانت عامل مزرعه تعال عندي واخذ معاش بليا شغل وتفرغ للمنتدى

[عبدالله الحربي]

لا تروح بعيد والاجواد وسط العفه=لا تزل الدرب وانته سايق النيساني
صف قلبك يالرشيدي يوم جيتك صفه=وان صدمت الجرف قلت الله لايبلاني

[ابو موسى]

اقتباس من مشاركة عبدالله الحربي لا تروح بعيد والاجواد وسط العفه=لا تزل الدرب وانته سايق النيساني صف قلبك يالرشيدي يوم جيتك صفه=وان صدمت الجرف قلت الله لايبلاني

ما يقر الشوف يومن الرموش مرفه ----- لا تضويها كذيا والبعير عماني


انت ثوبك قبل هذي من ثياب الدفه ----- كيف تامرني يا حربي وانت ما تنهاني

[عبدالله الحربي]

موفي المكيال وانته يالرشيدي وفه=وان تخالفنا نتواجه بالطريق الداني


صح لسانك يا ابو موسى ولنا لقى ان شاء الله

[ابو موسى]

اقتباس من مشاركة عبدالله الحربي موفي المكيال وانته يالرشيدي وفه=وان تخالفنا نتواجه بالطريق الداني صح لسانك يا ابو موسى ولنا لقى ان شاء الله

صح بدنك وعز الله انك شاعر وسامحنا ان حصل قصور واتمنى العب معك قريبا