[وضاح اليمن]

اقتباس من مشاركة صميدع راس البقاء يابووزره صحيح وازيدك بعد عين كريمة لامتون=مانيب عايف كانها قفر وابا افديها فدي ماطالنا من معرفتكم كود زاد بالصحون=ورايات عبس مرفرفه قدام عرفك يااجودي

خلوها

انتم سلايل عبس لكن ليه من دونن بدون= مافيه داعي نشرح الموضوع تعرف مقصدي
ابضاعتك لو طبت اسواق العرب مايشترون= مدري وش الاسباب وانته صج مانته بالردي

[وضاح اليمن]

الصفوف يالربع الليل باوله

[صميدع راس]

اقتباس من مشاركة وضاح اليمن يالله خاتمة خار ماتشوف الزول قعت ادوج الحالي بالخلا الخالي= عقب الجماهير موقع عبس مهجوري واين انت يابا الخلا يامحتم التالي= يالي على الباب قبل العام ناطوري وين المعزب رفيق العمده الغالي=في غيبته لو تعذر ماهو معذوري وين الجماعه عساهم مالهم والي = اسبوع كامل مابين لربع دوري

استلم من صميدع الظاهر ان مافيه الا وياك بالديره هههههههه

وضاح لاتزعج العربان وتلالي=ثمن نسلمك للترحيل مخفوري
الناس احد راح رجلي واحد خيالي=اجازت جاتهم من محكم الشوري
ياعلها بالسعد ياطيب الفالي=يقضونها في سعد وافراح وسروري
وباكر تشوف العرب لافي ونزالي=والهاف راعيه لامرك ضرب بوري

[وضاح اليمن]

الليل يابو الروس

[وضاح اليمن]

مع السلامه اعذرني مافيه صفوف شكرا ابو الروس

[صميدع راس]

اقتباس من مشاركة وضاح اليمن خلوها انتم سلايل عبس لكن ليه من دونن بدون= مافيه داعي نشرح الموضوع تعرف مقصدي ابضاعتك لو طبت اسواق العرب مايشترون= مدري وش الاسباب وانته صج مانته بالردي

طيب طيب:
حنا سلايل عبس مروين العداء موت وطعون=وصغيرنا ابوعشر للمرجله يعدي عدي
كل السبايب مخلفين الحكي مخلفة الضنون=يالله عسى مانته كماهم لجل احطك مسندي

[صميدع راس]

اقتباس من مشاركة وضاح اليمن مع السلامه اعذرني مافيه صفوف شكرا ابو الروس

ابووزره هرب وعذره الصفوف في ملعب الصقهان
ماتشوف شر دربك خضر يابووزره

[عنتر زمانه]

تمعنت بهذه المحاوره رغم قصرها ووجدت قنابل نوويه محفوفه بفولاذ وزيبق خطير الانفجار من هذا اليماني ولم يقصر بالكفاح صميدع راس ولكن لوني في مكانه لم ارحم أبو وزره وتفجير لغمه به مهما يكون ..

الحق يقال وأنا دائمآ أقول وبكل شفافيه وبدون مجامله أبو يمن شاعر قوي وقادر على الشعر بشتى أنواعه مع أنني أشك بمعرفه من خلال متابعه ليس وليدة اليوم بل من أكثر من عامين فهو ترعرع وتعلم وأقتبس افكار عمه بكل جداره أن لم يكن ......

محاوره تحتاج الى مراجعه وتغيير مفاهيم من أحد المتحاورين

وبالاجمال قصيده ومحاوره جزله ومن نوع ثقيل وتعدي واضح بدون قيود لذا نرجوا الانتباه والتقيد بقوانيين المحاوره والمنتدى بشكل عام ..


وهنا أستغرب نحن في منتدى قلعى المجد والتاريخ ولم نجد حضوري مثري مع أن أكبر عدد بهذا المنتدى من شعراء ومتذوقين ونقاد
فهي دعوه من عنتر زمانه أن نكثف التواجد ونثري منتدانا بكل ماهو جديد ومفيد فلا أستغرب الاستجابه من أبطال عبس ..

هاهو الحضور هل يرضي الشعراء بالطبع لا والف لا
البرمكي, الكريمه, ابن سعيد, صميدع راس, عنتر زمانه, وضاح اليمن