[سعد بن عادي]

اقتباس من مشاركة ناصر خنيفر لااله الا الله ابك انت حي سنه كامله ماشفنا هالاسم يامرحبا يابو خالد وين الغيبه عس ماشر حيالله المرشد الروحي للموقع ماودك نعيد المعارك الطاحنه بين حزب العمده وحزب النصر مشكور يابو خالد على هذا التوضيح وانشالله يتقيد الجميع بهذه الارشادات القيمه

أبو تركي هذا ماهو خوينا اللي خبرك تحربنا معه وقتلناه هذا أحد جيرانه اللي با الجنوب داخل بأسمه عشان يحاول يغرر في العالم ان ناصر الشويلعي على قيد الحياه

[عيون-الجارح]

كلامك صحيح ولا غبار عليه ولابد من الاستفادة والخلل بالوزن في بداية الشاعر ومن التعلم ينطلق للشاعريه وانا اعتبر نفسي مبتدا ومنكم نستفيد

[البرمكي]

مرحبا فيك ياناصر عقيد الركايب = ومرحبا بالكلام اللي ببالك تصور
مرحبا عد ماتذري ذوار الهبايب = ردتن فيه مرجانن ولؤلؤ مسور
بعدهذا ياناصر قول ويش السبايب = ماذكرت العراقي والعراقي تطور ههههه
يدحم القوم في يومن تشب الحرايب = تعرف فعولنا يوم اشهب الملح ثور
وبالشعر كسبنا من جل كل الكسايب = بالنظم والمحاور ماقفي ماتهور
ليه تجهل وانا لشيخ يالشيخ نايب= الحق اسمي قبل فيك العراقي يشور ههههههههه

فرقاك حلة ياهالعراقي ابك الحق اسمه يابو خالد لايشور فينا ههههههه

[أنكسارحلم]

أشكر جميع من اسعدني في مروره على موضوعي هذا
شكرا للجميع

[أنكسارحلم]

اقتباس من مشاركة البرمكي مرحبا فيك ياناصر عقيد الركايب = ومرحبا بالكلام اللي ببالك تصور مرحبا عد ماتذري ذوار الهبايب = ردتن فيه مرجانن ولؤلؤ مسور بعدهذا ياناصر قول ويش السبايب = ماذكرت العراقي والعراقي تطور ههههه يدحم القوم في يومن تشب الحرايب = تعرف فعولنا يوم اشهب الملح ثور وبالشعر كسبنا من جل كل الكسايب = بالنظم والمحاور ماقفي ماتهور ليه تجهل وانا لشيخ يالشيخ نايب= الحق اسمي قبل فيك العراقي يشور ههههههههه فرقاك حلة ياهالعراقي ابك الحق اسمه يابو خالد لايشور فينا ههههههه

اسمع الرد ياراعي كربلاء

البقى وانت راسك بين حمر النصايب=مير ريح ضميرك وانتبه لاتهور
انت يالبرمكي شيبت لو منت شايب=يوم شافت عيونك كشف ستر المعور ههههه
كلكم من بعد صدام رحتو نهايب=كل فلم وقناه وبث عنكم يصور
العراق العظيم اليوم نار ولهايب=مدفع الغرب ثار ومدفع الشرق ثور
العلل كان كثرت ماتفيد الطبايب=دمك اللي بعرقك مانفع يوم فور
وشعرك اللي تقوله سيف بيدين عايب=لو يوقع لك صليفان ختمه مزور

[الاحرش]

والله مفروض يحترمون المدرسه الشعريه السودانيه وانته والله هي يازول من المدارس المتمرسه فالوطن العربي الكبير وانته عديت جميع الشعراء وقلت استفيدو من هؤلا الشعراء الا عمك الاحرش وصديقي المفضل الشاعر خاتم سليمان وصديقي ابو عوجه يعني نحن اللي نستفيد بس
اااااااااااااااااااي يازول

[قسورة الغاب]

اقتباس من مشاركة ناصر الشويلعي اسمع الرد ياراعي كربلاء البقى وانت راسك بين حمر النصايب=مير ريح ضميرك وانتبه لاتهور انت يالبرمكي شيبت لو منت شايب=يوم شافت عيونك كشف ستر المعور ههههه كلكم من بعد صدام رحتو نهايب=كل فلم وقناه وبث عنكم يصور العراق العظيم اليوم نار ولهايب=مدفع الغرب ثار ومدفع الشرق ثور العلل كان كثرت ماتفيد الطبايب=دمك اللي بعرقك مانفع يوم فور وشعرك اللي تقوله سيف بيدين عايب=لو يوقع لك صليفان ختمه مزور

ول ول الله لايحجم علينا هههههههه

ابك الرجال تووه طالبن لقب شاعر العراق الكبير ويدور له مزكي هههههه

العلل كان كثرت ماتفيد الطبايب=دمك اللي بعرقك مانفع يوم فور
وشعرك اللي تقوله سيف بيدين عايب=لو يوقع لك صليفان ختمه مزور

صح اللسانك

[فيصل المظيبرى]

نشكرك يانصر الشويلعى على الكلام الطيب واللى فى محله من الخطاب الاول
اما ماذكرته فى بعض الاسامى وللشهاده الله اولا لايعتبرون مداس شعريه انما
شعراء هواه يمتهنون الشعر لان الشعر المميز لايحتاج للشهاده
وانا اعلن من هذا المنبر من اول القائمه التقيد فى الدور واعلان اساميهم الصحيحه
حتى نعرف هذى المدارس والكتب اللى تتدرس فيها وهل هى مدارس ابتدائيه ا
و ثانويه حتى نستطيع حجز مقاعد عندهم وغير ذالك يعتبرون شعراء مهمشين لاحيله لهم غير النت والشاشه ولايتعبرون مثل ماذكرت
طبعا العمده شاعر نظم خارج القائمه لانه تقيد فى الكشف عن اسمه

وتحياتى للجميع

وتقبل مرورى