[تاج عبس]

يامرحبا بالعله الصرما وأنا مابغا العلل = لكن حداني وقتي المعلول وسمع مايلي
جيت انثر الهملول فوق الارض من عقب المحل = ون ماطلع عشب اترك الديره عساها تمحلي

[العله الصرما]

دام البقاء تبغى الوعر والا تبا درب سهل=خصمك خصيم ان عقدت الحبل غصب يحلحلي
هات الجنيهات الذهب جنب عن قروش الهلل=تصبح مع العربان رجال رفيع المنزلي

[العله الصرما]

العله الصرما خليفة مرشد البذال رحمة الله عليه يرحب بالجميع

[تاج عبس]

ابغا الطريق الي يوديني الى ذاك الجبل = وشعاد لو ناره مع الدخان الاسود تصتلي
طيب العمل ماتجودونه مع خبيثين العمل = وأنته وأنا نسلم ويسلم كل عاقل فيتلي

[تاج عبس]

احيي الحضور من الشعراء والجمهور يامال العافيه شرفتونا في تواجدكم

[العله الصرما]

اخاف تزحف للورى لاشفت لك هرش حول=وتقول ردوني لدار وسطها مسكن هلي
طيب العمل مايعرفه ياكود رجال بطل=وحنا عرفنا الشافعي ياتاج هو والحنبلي

[تاج عبس]

ارجع عن الاحول وأنا جمال وأعرف الجمل = ياما وياما سقت صوب القوم نفسي وجملي
السالفه بالشعر واللي قابلك شاعر فحل = مثل النهار يتك وحشات الضلام وينجلي

[العله الصرما]

كم واحد يبغى العسل لكن خاف من النحل=مابك قصور سرها ان كنت جد مصملي
من يمتدح نفسه نقله انت رجال خبل=وان ماعقل من بعدها يمكن بقيده يعقلي