[خاتم سليمان]

اقتباس من مشاركة جحدر الوسع بالخاتم اللي مايبي له زود تعليق=تلعب به الناس وتخرّب حليّه وانت ساهي ولو انت داري جداك تطق راسك في حجا اطويق= ويدوخ راسك وهو ضلعن احيوده زي ماهي

طيب طيب

الله يجعل لجحدر رزق من باب التوافيق=ماضاع الي قرش وسط السوق يوم الغير فاهي


شفت الدّناميت فجّر ضلع وتشوف المخاليق=واللي غزا بالعصا بالحرب ما شدّ انتباهي

[جحدر]

شكلك تخيّلت تمسي بالحفر والصبح بأبقيق=مسروق ماخوذ بالمسرى وبالوضع اشتباهي
لكن ترى الامر مزح وزان فيك المزح ويليق=اركد وريّح ضميرك وانت في وجهي وجاهي

[خاتم سليمان]

اقتباس من مشاركة جحدر شكلك تخيّلت تمسي بالحفر والصبح بأبقيق=مسروق ماخوذ بالمسرى وبالوضع اشتباهي لكن ترى الامر مزح وزان فيك المزح ويليق=اركد وريّح ضميرك وانت في وجهي وجاهي

طيب طيب

الظاهر إنك مجرّب بالمساري والسواريق=بيرك وسيعه وماها غير عن كل المياهي


ياجحدر المزح مثل الرزح زاد الجرح تفتيق=أنا أقوله ووجهي طلق وبجاهي أباهي

وصح لساااااااانك ياجحدر للتقيّد وعدم الأنجراف في الالفاظ ولو انك تتأخربالرد شوي, لكن خلنا نقصرها وتصبح على خيرررررررر ,,,,

[مجنون ليلى]

الله يعطيكم العافيه