[مراهي]

انا ادري انك ولد وتداحم الروس الكبيره = لكن ما ابغاك تقعد فوق جرفان الندامه
ما فيه احد ما درا لكن يمال الستيره = تدري وش الفرق بين الصقر وفروخ النعامه؟

[بتاال]

اقتباس من مشاركة الراهي انا ادري انك ولد وتداحم الروس الكبيره = لكن ما ابغاك تقعد فوق جرفان الندامه ما فيه احد ما درا لكن يمال الستيره = تدري وش الفرق بين الصقر وفروخ النعامه؟

اسمع اسمع

الراهي اللي كلا اللقمه وراحت مستديره = بالعافيه دام كلن تعرف العالم مقامه
اخايل البرق يقبس مير من ديره لديره = وشعيب واد الرمه ممحل ولا جته الوسامه

[مراهي]

سجل هدف واحسب بمرماك يا بتال غيره = يبين لك بعد نور الصبح ما يطرد ظلامه
قلبك على جيش حزب الله عسا ما فيه غيره = اشوف كنك تشفق تالي الوقت لسلامه

[بتاال]

اقتباس من مشاركة الراهي سجل هدف واحسب بمرماك يا بتال غيره = يبين لك بعد نور الصبح ما يطرد ظلامه قلبك على جيش حزب الله عسا ما فيه غيره = اشوف كنك تشفق تالي الوقت لسلامه

الله الله

اسقيتك من الزلال ومنهله صافي غديره = بذن الله انك رويت وشفت في علباك شامه
من شرق خليج يعرب قوم يعرب ماتديره = النجم صابك وراع النجم هشاتن عظامه

[بتاال]

صح لسانك يالراهي

تشرفت بمحاورة شاعر شرواك


ولاهنت ماقصرت وبيض الله وجهك


وتصبحون على خير

[مراهي]

حطيتها فوق كمك يوم جت كمك قصيره = وان قلت لي من غشم ما اشوف في مثلك غشامه
ما فيه غير انت هش وباقي عظامك كسيره = وانت ابخص بنجمها شفته ومن دونه غمامه

[مراهي]

والله تو شفت ردك يا بتال ودزيت البيوت وما كنت ادري انك رديت ولكن كان عندك شي هاته طال عمرك واسمح لنا وصح لسانك ولا هنت ولي الشرف

[بتاال]

وافي ولا فيه رد بعد ردك هههههههههههههههههههه

صح لسانك ولاهنت