ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
بسم الله الرحمن الرحيم
السلام عليكم ورحمة الله وبركاته أعزائي : اخترت لكم هذه المحاورة لأنها من المحاورات النادرة ذات المعنى الراقي أرجو أن أرى تحليلاتكم ونقدكم ومرئياتكم حول هذه المحاورة صياف ياسلام الله على الماجود والي في طريقه = لاكن العنوان يبقى فالنهايه والــــــبدايـــــه هنا يسلم على المتواجد من الشعراء وغيرهم وعلى القادم ويشير ان الاسماء التي ذكرها بعنوان المحاوره هي الاسماء التي يرى بها شعراً اكثر من غيرهم: تالي الايام شفت الوضع في عكس الحقيقة = والحقيقة واضحه لاهل اللعقول بكل رايه تالي الايام يقصد وضع الشعر في آخر الوقت تغير حيث يكون التمجيد بالشاعر الضعيف على حساب الشاعر الحقيقي ونقلب الوضع راساً على عقب حسب معنى البيت الشهري: ياهلا يامرحبابك بسم الاحرار الطليقـه=والعنواين انعرفهـا بالبدايـه والنهايـه هنا يرحب باسمه وبسم الرجال الطيبين ويقصد الشعراء المعروفين ويبلغ زميله بانه يعرف الشعراء المذكورين بالعناوين ويعرف الشعراء بمعرفته الخاصه ولكنه لم يوضح هل هم من الشعراء الاقويا ام لا ياولد مايعرف اسرار الصديق الا صديقه=والبنادم مايطالـع وجهـه الا بالمرايـه هنا يوضع لزميله بانه لايعرف معنى الشاعر الا شاعر مثله ويقصد نفسه ويقصد زميله ويوضح ان التفاهم حاصل اثنا اللعب وانه يعرف معناه ويوضح لزميله ايضاً انه لايقيم الشاعر الاالجمهور بقوله: والبنادم مايطالع وجهه الا بالمرايه والمرايه يقصد الجمهور صياف البقا بك مير انا بنشدك عن خاتم عتيقه = لاتغرب في سوالي والله ان لي فيه غايه هنا يتسأل عن خاتم عتيقه واعتقد انه يقصد المعنى ولكنه لم يكون موفق في رسم المعنى بالشكل المطلوب الى حد كبير وبقوله لاتغارب سوالي الى آخره ولكنه لم يكن معنى بقدر ماهوا تركيب بيت لاكثر: سرنا محفوض ون قلناه في بير(ن) عميقه = ميرخل السر خله لين نلقى له جنايه سرنا محفوض يقصد المعنى لم يبين معنى ويقول ننتظر حتى يحصل معنى نلعب عليه وهوا البادي بالمعنى والمفروض يكون المعنى منه هوا شخصياً الشهري خاتم العذرى ذهب لويغري الناظر بريقه=جابه الصواغ من منجم ذهب ماهو دعايه هنا يوكد الشهري بان كل شي طيب والمعنى الذي تبحث عنه معنى راقي ومن مصنع ذهب اي من مقر شعري مضمون الخ-- قامت اتخاشر ملوك الغابه ملوك الحديقه=وأبتسم للناس ياصياف والنار بحشايـه هنا يقصد مساوات الشاعر الكبير بالشاعر الصغير وهذي المساوات غير مقبوله وغير منطقيه وانه من ضمن الذينا تأثرم منهذي المساواه وانه يلعب ويضحك وهوا حزين على مايحصل: صياف دام صنفته ذهـــــب خله لاعله للحريقه = مانبا نضيع عليه الوقت وتضبع الكنايـــــــــه هنا يرد على بيت الشهري ويقول دام صنفته زين خله جعله في حريقه الخ-- وكانه يحاول التخلص من هذا المعنى الذي لم يقوم بتوضيفه من الاساس ويوضح انه سوف ينتقل عنه وكانه حصل على مخرج لم يحلم به: انت دام انك تعرف الدرب وتعرف الطريقه = سج رجلك مع طريق السنع والي تاه تايه هنا يقول للشهري انت مدامك شاعر وتعرف اللعب عطني معنى اي افتل وانا انقض وترك اللي تاه تايه وكانه يخاطب نفسه بانه تايه وهذي تحسب ضده: الشهري معك ضيقه واحده وانا معي مليون ضيقه=وصفهم للقطن بالبترول هو سبت بلايـه هنا الشهري يقول انت متضايق من العسر بالشعر فقط وانا متضايق من امور كثيره ومنها عدم التمييز بين الشعر الهزل والشعر الجزل وكذالك الشاعر الحقيقي بالشاعر الغير حقيقي ياخويي لاتوصيني وانا عنـدي وثيقـه=تثبت الحق المهمش من سماسرت الولايه هنا يرد على زميله يقول لاتوصيني ابشر سوف اجيك بمعنى وسوف اقود الملعبه دامك تخليت عن قيادتها وعندي مايثبت ذالك انني قايد وقادر اثبت حقي رغم انف الحاسدين وهم سماسرة الولايه : صياف كل لاعب مايناول غير لاعب من فريقه = لو مايعرف لعبة الكورة ولا عنده هوايه هنا يتكلم عن العنصريه بالشعر ويوضح ان الكثير من الناس مايشجع الا رفيقه اوصديقه حتى لو مايعرف الشعر الخ-- ويعتبر بيت جميل ومجراه لمعنى زميله: ارق في عال الجبل واليابدالك رجم ويقه = لو تشوف الظل طوله زاد عن طول البنايه هنا لازال يوصي زميله برفع المعنى وبالطلوع حتى لو النزول بالمعنى مغري بعض الاحيان ويوصي زميله بالتقدم بشعره والظهور قدر الامكان الخ------- ويعتبر لاجديد ولكنه لايزال مجاري زميله على المعنى الشهري المدافع نوب يخفق لـو متابعتـه لصيقـه=لكن الاخفاق ماينشاف حسب آخر روايـه هنا يشير الى ان لو الانسان حاول مساعدت رفيقه ورفيقه غير مؤهل للبروز فانه سوف يخفق هذا المشجع ويخفق معه شاعره المضل ولكنه لو اخفق الناس مايشوفون الاخفاق الخ -- حاسبين الثانيه ياللـي تحسبـون الدقيقـه=راي شخصي مير من يقنع براين غير رايه هنا يقول انت لازلت توصي وانا احسب الوضع بالثانيه وانت تحسبه بالدقيقه اي بمعنى انني ادق منك واعرف منك بالامور ولكن ماحد يقنع الا برايه الخ-------- صياف كان ماشفت الخلاصه باقي الزبد بعليقه = اعرف ان السمن طبه غش من بعد العنايه يوضح ان الشعر صارمغشوش وختلف عن ماكان عليه بالسابق الخ--- لي سنه واكثر ونا صابر وصبري من يطيقه = لادخلت السوق هبت لي هوا ماهي هوايه هنا يذكر بانه يعاني نفس معناة زميله من امور يراها بالشعر والملاعب الى الخ--- الشهري الرفيق اللي عيونه ماتشـوف الا رفيقـه=نوب اشك انه يناظر في سماء ماهو سمايه هنا يوضح بانه احيانً حين يشوف الناس لم يشوفون سوى شاعرهم المفضل يشك بانهم حولان اي بمعنى انهم لايفهمون الشعراء اكثر منهم عنصريين المريض اللي ليامنه هرج يشرق بريقـه=طوقوه المعجبين بمنتجع مبنـي الرعايـه هنا يقول المريض وهوا يقصد الغشيم من الشعراء يعجبون الناس بالغشيم اكثر من اعجابهم بالشاعر المتكن وهذي مصيبه ويصف الشاعر الهزيل بالمريض الذي ياخذ من الرعاية مقراً له: صياف الذبيحه ماتغير من ضحيه للعقيقه = الشروط مخالفه حسب المناهج والرويه هنا يقول بان الشعر الحقيقي مايتغير من جزيل الى هزيل واذا حصل هذا فهو مخالف لقوانين الشعر ويعتبر بيت موفق بعد علقنا على الموضوع سمكه مع رقيقه = كل رجال(ن) يعرف العلم لايبحث خفايه هنا يقول بعد تم التعليق على الموضوع ونتهينا لاحد يقعد يناقشني ويعاندني ويقول لا هذا غير صحيح ال--- الشهري الذبيحه ماتقلـط بالمواعيـن الخريقـه=لاتكلف في عشاك ولا تكلف في عشايه هنا يقول الشهري انت تحاول ياصياف تقنع الناس ولكن لاحياة لمن تنادي لان المكان ليس بمكان المحاورات لكي تقنع الجمهور الشمالي الخ-- مالقيت الحل يوم النفس مطواع وشفيقه=وين ابلقى حل وسنوني تراقل في جمايه هنا الشهري يقول انت انهيت المناقشه قبل ان نجد حل ولكن شئ عادي متعودين على انها النقاشات بدون حلول ولا غرابه في ذالك ويوضح بانه لم يجد الحل وهوا في عز شبايه فكيف يلقى الحل وهوا باخر العمر حسب معنى البيت الخ---- اسمحولي بالتحليل مع اني اول يوم اشارك في منتدى المحاوره لكن عندي فكرة عن المحاوره وعندي فكره عن المعنى والصواب والخطا وارد في كل امور الدنيا الشهري حصل على 90/100 صياف حصل على 70/100 ولكم احترامي زميلكم العمر واحد |
|
صياف
ياسلام الله على الماجود والي في طريقه = لاكن العنوان يبقى فالنهايه والــــــبدايـــــه تسلم على الموجود من الشعراء المذكورين بالعنوان فقط تالي الايام شفت الوضع في عكس الحقيقة = والحقيقة واضحه لاهل اللعقول بكل رايه هنا يقصد التغير الذي حدث لشعر في الايام الاخيره من مسابقات الخ .. ولكن كلها فاشله لانها تبحث عن الماده وليس الشعر ولا تهتم بالشعر الشهري: ياهلا يامرحبابك بسم الاحرار الطليقـه=والعنواين انعرفهـا بالبدايـه والنهايـه هنا يرحب باسم الشعراء المذكورين بالعنوان .. ياولد مايعرف اسرار الصديق الا صديقه=والبنادم مايطالـع وجهـه الا بالمرايـه هنا لم يجاوب بشكل منطقي انما مجاراه لسد الفراغ صياف البقا بك مير انا بنشدك عن خاتم عتيقه = لاتغرب في سوالي والله ان لي فيه غايه هنا الشك دخل صياف بان زميله لم يفطن للمعنى .. وأراد ان يسئله عن المعنى ما هو وهو ((خاتم عتيقه)) وهو يدل على انهم شعراء للمصلحه فقط يكسبون منهم المال ولما يخلصون منهم ينتهون سرنا محفوض ون قلناه في بير(ن) عميقه = ميرخل السر خله لين نلقى له جنايه اذا فطنت للمعنى فالسر محفوظ بيني وبينك.. فلا توضحه في صورة عشوائيه عشان لا تصير مشاكل ودليل هنا كلمه (جنايه) الشهري خاتم العذرى ذهب لويغري الناظر بريقه=جابه الصواغ من منجم ذهب ماهو دعايه وهنا يقول ان الخاتم هذا مافيه مثله دامه من منجم ذهب ماهو دعايه ... لم يجاوب بالشكل المطلوب ....... لانه صياف بالاول قال عكس الحقيقه في البيت الاول قامت اتخاشر ملوك الغابه ملوك الحديقه=وأبتسم للناس ياصياف والنار بحشايـه وهنا قامت يختلط الحابل بالنابل .. يعني الزين والشين نفس الشي .. ولو قلت لك هالشي زين ترا النار داخلي صياف دام صنفته ذهـــــب خله لاعله للحريقه = مانبا نضيع عليه الوقت وتضبع الكنايـــــــــه وهنا يقول بما انك وضفت هالشعراء بالذهب يعله للحريقه لانهم لا يمثلون الشعر بصله ...وماني متابع لهم وضيع وقتي عليهم انت دام انك تعرف الدرب وتعرف الطريقه = سج رجلك مع طريق السنع والي تاه تايه هنا يقول صياف بما انك تعرف الطريق الزين والشين ليه ما شاركت .. وتخلي التايه تايه بما انك تعرف طريق السنع الشهري معك ضيقه واحده وانا معي مليون ضيقه=وصفهم للقطن بالبترول هو سبت بلايـه وهنا يوضح انه اذا انت متضايق فقط بسبب ضعف الشعراء انا متضايق بشياء ثانيه اكثر منك بكثير .. كانه يقصد المغنيات وغيرها الي تدش المسرح عند الشعراء وقول اللجنه بانهم شعراء كبار ويسمونه باسامي مثل شاعر الوطن نسبوه الى ولد حجاب .. وهو بالاصل لخلف بن هذال ياخويي لاتوصيني وانا عنـدي وثيقـه=تثبت الحق المهمش من سماسرت الولايه وهنا يقول لا توصيني انا عندي مقدره ومعرفه بالشعر .. يثبت اني شاعر بعكس الشعراء الثانين صياف كل لاعب مايناول غير لاعب من فريقه = لو مايعرف لعبة الكورة ولا عنده هوايه هنا صياف يتكلم عن اللجنه كل واحد يشجع له شاعر الي يبي لو انه ما يعرف شي بالشعر ارق في عال الجبل واليابدالك رجم ويقه = لو تشوف الظل طوله زاد عن طول البنايه وهنا يقوله استمر بالطريق هذا واتطور وروح شارك بالمسابقات ولا تهاب من احد الشهري المدافع نوب يخفق لـو متابعتـه لصيقـه=لكن الاخفاق ماينشاف حسب آخر روايـه وهنا يقصد الجمهور الي يشجع الشاعر الي يتابعه ويشجعه لو كان تابعه متابعه جيده وجاب شاعرهم شي فاشل ما يشفونه فاشل بل يشوفونه شي فوق الخيال وجميل ولا فيه اروع منه صياف كان ماشفت الخلاصه باقي الزبد بعليقه = اعرف ان السمن طبه غش من بعد العنايه وهنا يقصد درب النهايه بالمسابقه يبين كل شي .. ويبين الغش لي سنه واكثر ونا صابر وصبري من يطيقه = لادخلت السوق هبت لي هوا ماهي هوايه وهنا كانه يقصد صياف انه كانه ينتظر البرنامج بعد النجاح الاول له ليشارك ولكن عندما شارك تفاجئ بشي لم يتوقعه وهو عدم قبوله الشهري الرفيق اللي عيونه ماتشـوف الا رفيقـه=نوب اشك انه يناظر في سماء ماهو سمايه وهنا يقصد ان الصاحب الي يشوف صاحبه بالمسابقه فقط ولا ينظر لشعر الاخرين فهذا شي خاطئ فالشعر لا يعرف تعاطف المريض اللي ليامنه هرج يشرق بريقـه=طوقوه المعجبين بمنتجع مبنـي الرعايـه وهنا المريض يقصد الشاعر الفاشل لا قال كلمه شعر فاشله وساقطه .. الجمهور الجاهل يرفع له ويصفق له ويسوي له دعايات الخ وهذا هو الحاصل بالشعر بالمسابقات ورأينا ذلك بالنسخه الثانيه صياف الذبيحه ماتغير من ضحيه للعقيقه = الشروط مخالفه حسب المناهج والرويه وهنا يقول ان الشعر لا يتغير مهما كانت شروط اللجنه مخالفه لها وذلك حسب منهج الشعر والروايه الحقيقي بعد علقنا على الموضوع سمكه مع رقيقه = كل رجال(ن) يعرف العلم لايبحث خفايه وهنا يقصد بعد التعليق على الموضوع ومناقشته مناقشه تامه بيني وبينك في معنى مرسوم ومحكوم بشده الرجاء لكل شخص يعرف المعنى لا يتكلم به الشهري الذبيحه ماتقلـط بالمواعيـن الخريقـه=لاتكلف في عشاك ولا تكلف في عشايه وهنا يقول لا حياة لمن تنادي فهذا هو حال الوقت مالقيت الحل يوم النفس مطواع وشفيقه=وين ابلقى حل وسنوني تراقل في جمايه وهنا يقول ما لقينا حبل وحنا شباب وعندنا طاقه .. وين ادور الحل باخر العمر هذا هو تحليلي الكامل للمحاوره القويه والرائعه التي جمعت علمين من اعلام الشعر بالشبكه ويجوز الصواب والخاطئ والانسان ليس معصوم عن الخطا صح اللسان الشعراء الكرام وشكرا اخي الزلزال على طرحها للمناقشه الشاعر والناقد // الشبح |
|
|
وشاعرين جزلين بكل المعايير المحاوره بشكل عام عن المنتدى والى يحصل فيه وبالتحديد عن بعض المراقبين والاعضاء وتدخلاتهم في شؤن المشرفين ومجاملاتهم مع اعضاء على حساب اعضاء قامت اتخاشر ملوك الغابه ملوك الحديقه=وأبتسم للناس ياصياف والنار بحشايـه كل لاعب مايناول غير لاعب من فريقه = لو مايعرف لعبة الكورة ولا عنده هوايه معك ضيقه واحده وانا معي مليون ضيقه=وصفهم للقطن بالبترول هو سبت بلايـه لكم مني كل الود 
آخر تعديل بواسطة (فارس الرشيدي) ، 14-04-2009 الساعة 10:26 PM.
|
|
|
هههههههههههههههههههههههههههههههههه
النسخه الثانيه يالشبح ياهاموووز كلن علي همه سرا خخخخخخ
|
|
|
 
|
|
|
|
|
اكتفي بالبداية لضيق الوقت عندي
لكن الشهري شاعر علم وعذب وصياف شاعر ومن سار على الدرب وصل اشكرك يالزلزال على الموضوع
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| تنسيق محاورة الكابتن وصياف | قسورة الغاب | قسم المحاورات المنسقة | 14 | 28-11-2011 04:39 PM |
| ناصرمرسال وصياف الحربي في محاورة قويه | عبدالرحمن عديهان | قسم عميد الشعراء ناصر بن مرسال | 17 | 09-09-2009 04:45 AM |
| محاورة فهاد الرشيدي وصياف السحيمي | (*العرعري*) | منتدى المحــــــــــــــاوره | 7 | 27-04-2009 02:47 PM |
| محاورة ... عيد بن مربح ,, وصياف الحربي | صادق الوعد | منتدى المحــــــــــــــاوره | 17 | 24-10-2007 11:43 AM |
| محاورة... مطلق الثبيتي ؟ وصياف الحربي | صادق الوعد | منتدى المحــــــــــــــاوره | 6 | 24-10-2007 11:42 AM |
الساعة الآن +4: 09:48 AM.
جميع الحقوق محفوظة شبكة بني عبس
