[المحترف]

ماكرهت من الطبوع الا التغلي =
ولا عشقت من الوجيه الا السماحة =
اسألك بالله وش مغزاك ياللي؟؟ =
لك ثلاث سنين في قلبي سياحة =
لا أنت مسرف في جفاك ولا انت خلي =
لا انت طاغي بالعذاب ولا انت راحه=
لا انت محزون ولا انت بمسفهلي =
لا تونسني ولا حولك نياحه =
لاتناديني ولا جيت لمحلي =
لا تجاملني ولا قلت الصراحه =
ولا انت فيمن هام في حسنك مهلي =
لا ترحب به ولا تطلق سراحه=
ما تركت من الحلا لو ربع ملي=
مالكٍ تاجه وبيدينك وشاحه =
من يلد بعينك الخرسا يولي =
مثل ما وليت بالرمش وسلاحه =
ليتني من جمرتك فشيت غلي =
لين اعلم جمرتك معنى الشفاحه =
تلّ قلبي يوم لك ليل يهّلي =
عانق الجيد وتخالط مع صباحه =
جيت لك كلي ولا عوّدت كلي =
من كيان العقل طيرتي مساحه =
أضعف الايمان لا سافرت قلي =
او تحسبه سرّ ما تبغى بواحه =
يوم قلت اهواك ما قصدي تسلي =
جيت ابيك تداوي القلب وجراحه =
لين ما شبّعتني هجر وتغلي =
وافتقد منك الرحابه والسماحه=

الشاعر:: الصارم

[ابوصالح]

يا طـــــــــــــــــــارد

يا طــــــارد اللي راح خــله ومــلوه=ما يستــقيم الظــل لا عـــوج عـــــــــــــــــوده
ولا ينفــــع النـــدمان قولــة حــولاه=جـــحـــــــر لـــــــدغ يمنـــــــاك لا لا تعـــــوده
مد النظر في خلق ربي تمعناه =إلى انتقص من حال حال يزوده
الله جعــــل للمبتــــــــلي داه ودواه=وكل على عزمات قلبــــــــه حدوده

الامير خالد الفيصل

[صادق الوعد]

قالو تتوب وقلت بالطرف مصيوب= والله ماتوب وصافي الخد ماتاب

قالوا تحملت المواثيم وذنوب= قلت الذنوب الها موازين وحساب

قالوا ترى ما يفعل العبد مكتوب= قلت افهم اللي تذكرونه يالاصحاب

قالو جهلت وبان بك كل عذروب= وكشفت سرك بين قومك والاجناب

قلت الهوى لقلوب الاحباب مرغوب= ايات حب صورت وسط الالباب

قالوا بعقلك ضايع الفكر منكوب = قلت الموده ما تداويها الاطباب

عقلي معي ماني من العقل مسلوب= انا الغريق وكل شي له اسباب
انا غريق مع هل الحب منسوب= مع زمرة العشاق بالحب منصاب
ما طاب لي زادن ولا اريد مشروب= اليا صفا لي صاحبي عسل الانياب
يغضي بعينه وافهم العلم مقلوب= واسري عليه بليلتن نورها غاب
يرخص لي الغالي اليا حل ماجوب= وعن القرايب حط لي ستر وحجاب
وابعد عن الشكه ولا نوش له ثوب= الا الحديث وقرعة الناب بالناب
اخاف يصبح زين الاوصاف معيوب= وهو عليه من النقا كل جلباب
مما يعيبه طاهر العرض محجوب= ولا حكوا فيه البعيدين واقراب
عليه وجدي فأيقن وجد يعقوب= وقلبي من اسبابه بوسط الحشا ذاب
كان انكم تدرون بللي شفا ايوب= وجدي سطى بالقلب والحب غلاب
يلومني من لا شكا حب نبنوب = طفلن قرونه ما تغطيه الا سلاب
طفلن نهب عقلي بضحكات وعجوب= فتان لقلوب العشا شيق نهاب
اصبح هو الغالب وانا مغلوب= غدا بعقلي بين شاري وجلاب
ان كان شفته صفق القلب مرعوب = وفتحت له بالقلب بابن ورى باب
وان غاب عني يصبح القلب متعوب= بالصدر كنه بين لاوي وجذاب
والدمع من فوق النظيرين مسكوب = يخضر بدار ممحله عقب الا جداب
اسمه بصفحه مولع القلب مكتوب = دايم يصور لي خياله ولاغاب

[المغرم اليائس]

موضوع فعلا جميل تستحق الشكر عليه000



وهذه اول مشاركة لي000


القصيدة للشاعر الكبير/متعب التركي00

قبل اسافر وتنسى جيـت اسلـم علـــــيـك =جيت ابي عمري اللي من يديني غـــــــدى
ضاعت اجمل سنيني من عمايل يديــــك =اكذب ان قلت راحت لاجل عينك فــــــــدى
فرصة العمر قالوا لا غدت مـا تجــــيـك =جتني اكثر فرص عمري وضاعت ســـــــدى
جرب الخوف مره حـس بـه يعتلـــــــيـك =وارفع الصوت ماتسمع لصوتك صـــــــدى
تدري اللي ذبحنـي قولتـك مـا ابـــــــــيـك = مابقالـي لثـاري لـو بغيتـه مــــــــــــــــــدى
ما هقيـت المشاعـر كلهـا ترتجـــــــــيـك =قل لها بالمفـارق منهـو اللـي بــــــــــــــدى
هاك دمعة عيـون(ن) باكيـه تشتكـيـك =هاك ريح ضمير(ن)ما استراح وهــــــدى
ما تناظر عيونـي زول هـذي وذيـــــــــك =ما يهز المسامـع اسـم ريـم وهــــــــــــــــــدى
قلت ماعادلي رغبـة وشوفـات فيـــــــــك =قلت يا نفس طيبـي يفرحـون العـــــــــــــدى
قلت عايف ونفسـي بالخفـا تشتهيــــــــك=عزة النفـس تـدري طيـب مـــــــــــــــــــا ردى
خل عينك تهـل دموعهـا وش عليــــــــك =انت خدك ورود ودمـع عينـك نــــــــــــــــــدى

[صقر عبس]

	قلت:الـــــــــــــــوداع وجاوبت دمعة العين ،،، تجـــــــــــــرح بساتين الخدود النديه ،،، وغضت وشفت"بعينهـا" الحـــــــزن حزنين ،،، وصاااااحت على الفرقا أنا مو قـــــــــــويه ،،، وجاوبتها "أرجووووك" تكفين..تكفيـــــــن !!،،، واللـــــــه دمعك يشعل النـــــــار فيا ،،، وقالت : تعاهدني عهاد المحبيــــــــــــــن ،،، الله يجااااازي اللي يخوووون خـــــــويه ،،، قلت أبشــــــــــــــري واللي خلق لاتظنين ،،، حرااااام ماغيرك " عشقـــــــت "آدميه ،،، وقصت شعرهـــــــا !!،،، قلت أنا وش تسوووين؟! قالت أبي من غرتي لك هديــــــــــــــه ،،، ونادتني الغربه على الهم والبين ،،، أحسب الأيااااام روحه وجيه ،،، وفي كل ليله ترتسم بين رمشين ،،، خيالها بين الرموووش الشقيه ،،، غربة سنه في ذمتي غربة سنيــــــــــــــن ،،، متى على الله يلتقي الحي حيه ،،، خلاااااص هاااااانت مابقى غير + يووومين + ،،، خلااااااااااص قفت غربه جرهديه ،،، ورجعت شوقي في خفوقي براااكين ،،، ورجعت أناكلي لها جاذبيــــــــــــه ،،، وسألـــــــت ماردوا ؟! وأنا "أصيــــــــــــــح " { هـــي } ويـــــــــــــــــن؟!! ،،،‏ وكل (ن) نثر من داخل العين ميه ،،، وفي معمعة حزني تلقيت رمحين ،،، قالوا : { توفـــــــــــــــــــت } غافلتها المنيه ،،، وفي غرغرتها ماذكرت غير حرفين ،،، تشهدت % بأسمــــــــــــــك % شفاة البنيه ،،، وتزاحمت في داخلي ألــــــــ١٠٠٠ــــــف سكيـــــــن ،،، والحزن يطويني ثمانين طيه ،،، " صــــــــــــــدمه" وجابتني على الأرض نصفين ،،، وشلووون راحت دون ذنب وخطيه ؟! ،،، تكفووون دلوني على القبر هالحين ،،، ماعاد فيني للصبر مقدريه ،،، ووقفت أطالع قبرها بين نصبين ،،، وجلست أضم أغلى النصايب عليه ،،، وأصيح وش بك "ياغلااااااااي"ماتردين ،،، إشتقت همس شفاهك النرجسيه ،،، وش فيك جيت من السفر ماتهلين ؟! ،،، ماهي بلك عاده ولاإنتي رديه ،،، وحاولت في لحظه أجرح الدين ،،، وأزيح تربة " قبـــــــــــــــرها " بيديه ،،، وبالغصب شالوووني حشى تقل مسكين ،،، وأصرخ بهم واللــــــــــــــه واللـــــــــــــــــــــه حيه ،،، وقفت وتاااااااااهت بي جميع العناوين ،،، والحزن يلعب داخلي سامريه ،،، ورجعت لدروب الشقى قبل عامين ،،، مدري من اللي صار فينا ضحيــــــــــــــــــه

[بدر نوران]

	. . تسعدني المشاركه الليلـ الموحش .... ومسامرة القمرى ... والخطوهـ الصامله ... والوفـــااء ..... في ليل موحش عيا صباحه يظهر بنورهـ=جلست أسامر القمرى وأهوجس من خلا حالي أقلب ماضي الذكرى وأقول للنفس ما جورهـ=وأقول الله يعينك يقلب ٍ غاب له غالي هذاك اللي عرفته للوفا درس ومثل وأسطورهـ=رحل عني ومن بعده ترى موتي هو اشوالي جلست اذكر له الماضي وأضم لقلبي الصورهـ=رحل لظروف مجهوله وانا باقي على فالي أحبه واعشق عيونه وأحب الحال مستورهـ=وأفز اليا تذكرته وانا لحالي وانا لحالي مثل عاشق نظر خله بحلم وخانه شعورهـ=وسهر ليله وحيد ٍ مع الاحلام ترحالي أبمشي بخطوة الصامل ولو في دربناا خطورهـ=لجل عين ٍ عشقها القلب ولا هو عنها سالي أبمشي وأقهرك ياوقت واخلي الظروف مقهورهـ=وبوفي لصاحب ٍ غايب نسيانه ما تهيالي أنا لوقلت ابنسى واترك الاحلام مدثورهـ=ترى بكذب على نفسي والله ماني بسالي هذاك اللي حروف اسمه داخل القلب محفورهـ=سكن قلبي ومقامه بالغلا دايم ٍ عالي هذاك اللي بحضوره تصبح الاقلام مبهوره=وتكتب كل ما يطري على بالي على بالي هذاك اللي حروف الشعر تنقاد له مجبوره=وتكتب له من حروف الغلا وتذم عذالي هذاك اللي انا لجله بخوض الحب ببحوره=وأقول لكل ما فيني تراك للغالي ظلالي هذاك اللي ترى لجله ورود الحب منثوره=هذاك اللي انا لجله سهرت الليل بغربالي شعر / بدر نوران الرشيدي الوافي . .

[دمى عبسى]

البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

اللي يحسب إني على البعد سجيت ..
.. والا ان عيوني للرقاد استباحت

ياليتني من قبل لا أحبه اقفيت ..
.. والا ان دروبي عن دروبه تناحت

أهون علي من البكا والتناهيت ..
.. وأشلا من سدودٍ على الناس باحت

عرفت كيف الحي يفرق عن الميت ..
.. وعرفت قيمة نعمتي يوم راحت

قولوله اني عقب بعده تدانيت ..
.. ورجلي عن دروب المعافين شاحت

البعد نار وطاعة العذل كبريت ..
.. يقصر على بعده .. ترى الكبد فاحت


من روائـع شاعـر المليون
(محمد بن فطيس المري)