[كهل الصباء]

اقتباس من مشاركة ابوصالح الشويلعي السلام عليكم ورحمة الله وبركاته اخواني الاكارم اسعد الله مساكم وصباحكم بالمسرات اليكم هذه القصيده التي تعبرعن نفسها. البارحه عديت في ماكر الطير=رجمآ طويلآ والهبايب تلفه بغيت من لف الهوى الراسه اطير=اثر الهوى من واق راسه تدفه وانا سوات اللي على طية البير=حصاة مجلاسي على جال طفه لولاي ماسك في يدي الشناضير=الطير ياخيران صفي وصفه اثر المعدى غير والمستوى غير=قلبك اليا عديت يزتاد رفه والعين مع رفه تزيده تفاكير=ماضيه منها وحاضره يستشفه رجمآ رقيته في جنوب العثامير=مدهال طرشآ فوقها الوسم كفه الوانها مابين شعل ومغاتير=وحليبها مثل العسل يوم اشفه تسرح وتتليها قطيع المصاغير=بين المعدى والحلاه المشفه وانا بمرقابي وأدير التفاكير=والعين تذرف دمعها ماتكفه ماهو على شان النياق المصاغير=لاشك ياخيران بالقلب هفه خضر الغصون وزغردات العصافير=على الغدير اللي هبوبه تسفه اللي عليه العام ورد ومصادير=جهام طرش وضين واللي بضفه محابل الشيطان مثل القوارير=العاشق الهاوي خطرهن يحفه لاعرضن مثل البكار الاباكير=ارقابهن فيها ألتفاته ولفه وعيونهن فيها سهوم المناعير=كم طوحن فارس وسيفه بكفه وشلون حال اللي لافارس ولامير=شاعر وهاجوس القريحه يزفه لاخزته بالعين بعض الغنادير=اللي نحرها شيلته ماتلفه يحس في قلبه سوات المسامير=لويملك الشاعر كرامه وعفه

أبو صالح؟
يسعدك ربك.

أبو صالح لا أستطيع إلا أن أقول:هكذا تورد الإبل!
قصيدة لم أجد بها بيتاً معيناً لإختيارة فوجب إختيارها بأكملها....تقبل إعجابي أيها الشاعر الكبير..ربما أحتاج العودة لمدحها مرة أخرى.

دمت بووووووود

[بحــ الخليج ــر]

ابوصالح مافيك حيله صح لساانك على هالجزله بيوت من ذهب مايقدر على صياغتها الا الشعراء الكبار مثلك وشرواك والقصيدة اعجبتني من اولها الى اخرها ولكن اعجبني اكثر هالبيتين ++
وعيونهن فيها سهـوم المناعيـر
كم طوحن فـارس وسيفـه بكفـه
وشلون حال اللي لافارس ولاميـر
شاعر وهاجوس القريحـه يزفـه
تقبل مروري واعجابي

[عايض بن صالح]

الله لايهينك يابحر الخليج مرورك يعطيني دافع الى الامام

لانك شاعر بحر على اسمك وانا صراحه من المتابعين لمحاوراتك القويه

وعذوبة المعنى فيها بالفتل والنقض
تحياتي

[خلف العايضي]

الشاعر القدير / ابو صالح

بيض الله وجهك على هذا الابداع .. . . . وعجز عن التعبير امام


قصيده كتبها شاعر بحجم ابو صالح . . . لكن يالغالــــــــــي جهز عمرك للمقناص ان شاء الله


تقـــــــــــــــــول

رجمآ رقيته في جنـوب العثاميـر

مدهال طرشآ فوقها الوسـم كفـه

الوانهـا مابيـن شعـل ومغاتيـر

وحليبها مثل العسـل يـوم اشفـه

تسرح وتتليها قطيـع المصاغيـر

بيـن المعـدى والحـلاه المشفـه

الله يسقي ذيك الديـــــــــــــره يابو صالح . . . وبعين شكل الرجم هذا ساقية شعر باروح اجرب فيه

[عايض بن صالح]

مرحبا ياخلف العايضي مرورك اعطا القصيده شكل آخر عندي
اشكرك على الا طرا.

وابشر بعزك متى مابغيت المقناص قلي وانا حاضر يابو نواف

تحياتي

[المعزب]

صح السانك على هذه الجزله

[عايض بن صالح]

لاهنت يالمعزب

[نوف العويمرى]

صح لسانك

يارائع