[سعد بن عادي]

اقتباس من مشاركة ناصر خنيفر ارجو من حزبي متابعة الامور عن كثب وعدم الرد على اى مسترزق من حزب النصر االا بعد ماعطيكم الاشاره

تم ارسال تعميم الى جميع الحزب بعدم الرد على اي مسترزق من حزب النصر وذلك بناء على توجيهات حفظك الله يا عمدتنا .



ونحن ننتظر منك الاشاره لكي نكشف لك عن بعض ما يقوم به رائيس حزب النصر من افعال سوف اكشفه لك بوقتها والجميع سيطلع عليه .


ط ط فاصل اعلاني

[المقوعي]

اقتباس من مشاركة ناصر خنيفر ارجو من حزبي متابعة الامور عن كثب وعدم الرد على اى مسترزق من حزب النصر االا بعد ماعطيكم الاشاره

حنا جاهزين طال عمرك وننتظر الاشارة منك لسحق حزب النصر عن بكرة ابيه

وترانا مثل ما قال الشاعر:

يا امير ما تامر عليهم ابغاره=كود الجروح اللي على القلب يبرن

[ثنيان العجرمي]

الله يرحمكم يا حزب العمدة
هههههههههههههههههه

[بركه الداموكي]

بسم الله الرحمن الرحيم

المعركه دايره والحرب كــر وفـــر

الى الامــــــام

[ناصر خنيفر]

شكرا سعد عادي شكرا المقوعي كونو مطمئنين مابلحمض احد
ويلك ياللي تعادينا ياويلك ويل هههههههههههههههه

[ناصر خنيفر]

اقتباس من مشاركة ثنيان العجرمي أسترح يا رئيس الحزب طال عمرك أستلم يالعمدة وحزبه العمدة اليوم أثره حي بديارة = نحسبه ميت ومعطن درب الأجدادي ياشيب راسه لامنه ثور غباره = مايهتني في المنان وحلو مرقادي بسم الله أكبر على العمدة مع أنصاره = أحدن جريح ( ن) وأحد ميت وأحد غادي ليا دندنة طبلة الحراب بنذارة = حنا لها بالوفاء ضباط وافرادي أسهومنا عمرها ما تخطي الشارة = من وقت عنتر وجده يا أهل الأحقادي

الاخ ثنيان العجرمي الظاهر انه ماحضر حرب داحس والغبراء اللي صارة قبل عام بين حزبنا المناضل وحزب النصر المتهالك

ثنيان حوض المنايا والخطر زاره= جاهل وقال الحرائب شفت اقنادي
لحزب النصر صارهو والبحر سباره=هداهم الواحد اللي للبشر هادي
كبر وهلل ويمي يالفت النظاره= العود قاده على ماراد ونقادي
طاوع مع اللي تحذف الناس بجماره=ويقول ابا صيد لكن صار من صادي
حزبي هل الفخر كساره وجباره= كم خفرتن من سببنا لبست حدادي
و البحرمازادته نقطه بقطار=ولاعاد ينقص منه صادر ورادي

[أنكسارحلم]

اقتباس من مشاركة ناصر خنيفر اطلعت على ماكتب مايسمى برئيس حزب النصر الاخ الفاضل ناصر صويان وزمرته الخارجه عن القانون ههههههههههههههه اقول لحزبي كونو مرتاحين انا اكفي فيهم وحدي مستعد احتاشهم في مشعابي هههههههههههههه انا وحزبي شويتك شويت صهاره=الشاهد الله وتشهد كل الاجوادي صال القذايف على راسه قبس ناره= يماني تفعل وربي بالقا سنادي عامين وحدي اكافح هن ونصاره=بغير الولي ماطلبنا عون ومدادي واللي دخل من جموعك صعب مضهاره= ان جيتم جموع ولا جيتم افرادي النصر مايحالف اللي غازين جاره =ياتيك ماجا الطغاه اللي بالالحادي ونطعتني لاتعاند عمدة الحاره =الشعب معنا شباب وشيب وولادي وشلون بالله لو ينادي على حماره= ان شفتم الجحش كل ٍ كتله وادي ههههههههههههههههه

الحقيقه ان فرسان حزب النصر ماقصروا في هذه الهجمة الشرسه
على العمدة وحزبه وهذا يدل على تكاتفهم ومعنوياتهم العاليه
لتدمير من يخالف الانظمة والتعليمات وانا اتمنى من فرسان حزبي
خف الضغط النفسي الذي يعاني منه العمدة من حزب النصر لحيث
ان العمدة ماباقي من حزبه الا المعدودين على الاصابع .
واليكم هذه الابيات ردا ً على العمدة :

يالعمدة اللي غديت لحزبنا شاره=فوقك قنابل وتحتك نار وقادي
معروف حزب النصر بقيادة انصاره=والحرب ياجاهلينه نار وزنادي
حنا هل الحرب لامنه قبس ناره=إلنا بخوض المعارك سرج وشدادي
ياما غزينا وذبحنا شيخ في داره=وياما كسبنا وعفينا والله الهادي
والنصر في كل يوم ٍ نلبس شعاره=ولاهي غريبه علينا دروب الامجادي
والا انت ياعمدة اهل الدار والحاره=حزبك تشتت لكن لاتصيح وتنادي
والوقت دوار والايام دواره=والله مالي حسايف غير ابن عادي
يوم انخدع فيك واغريته بسياره=اهديتها وعودت عليه بقصادي
ويالله تعقل على عمدتكم حماره=اللي ينشد عنه مع كل نشادي

والسلام

[ثنيان العجرمي]

الاخ : العمدة
السلام عليكم ورحمة الله وبركاته
بالنسبة للحرب اللي قبل عام انا كنت في دورة تدريبيه خارج نطاق الحرب
وقد قمت بالاطلاع على الارشيف كاملاً وما جرى بين الحزبين وبعد الانتهاء من الدورات التدريبية
وقمنا بأستلام الشهادة كما قام بتصديق الشهادة رئيس الحزب الاستاذ : ناصر صويان
هذا بالنسبة للموضوع أعلاه
واستلم الرد

العمدة اللي بداء يكثر من أعذاره = قام يتذكر زمان أول وهو غادي
ياعمدة الحي وقتك بانت اضراره = لا تحارب الحزب سالم يابن الاجوادي
حنا النصر حزبنا ليا جاتك اخباره = تهتز منا جموعك والقدر بادي
يامن يفهم هبيل القلب بعباره = وصله العلم بالله ياسعد عادي
قله يسالم قبل ينهد أبه داره = تراء المنايا لها في الوقت ورادي
ما للفضاء غيرنا ياقوم رواده = يحرم عليكم لذيذ النوم والزادي
لكن حذراه يعم العين بأضفاره = كم واحد ( ن ) كحل عيونه ولا فادي