[عبدالباري عبدالعزيز]

مشكور يا مشرفنا على السؤال وهذه مجاراتي وتستأهل أكثر(وأقترح أن تكون المجاراه كل واحد يكمل تسلسل أفكار العضو الذي قبله لتكون القصيدة مسلسة ولا بين ابياتها فجوات مخلة)

ياسعدياصاحبي لايضيق بالـك=ابشر ابشر باصدقاك الي تمنـاّ
الجحش وصّاه ابو تركي وجالك=والجحش ماقدعن اللازم تونـاّ
وجاك عبد الباري اللي حس بالك= مع صحيبك وأبشر إنا في وطنا
وجمّل الله ياسعد حيلك وحالك= يوم جاك اللي تمنا يا مهنا

[بحــ الخليج ــر]

اشكرك ياخوي سعد على سؤالك عني وعن زملائي الشعار اللي يستاهلون من يسال عنهم وانا متواجد معاكم دائما انشاءالله ,,,, وهذه البيتين لك مجاراة مع الشعار,,,,,,,,,

ياسعد تستاهل المدح وكذالك=اشهد ان كفك من الجزله محنا
جعل رب البيت مايقطع وصالك=قالها البحر الخليجي يوم غنا

[بتاال]

بيض الله وجهك ياسعد الفلاح

وانا سجلت دخول من شان موضوعك

وابشر بلي تبي

واقبل هالمجاراه المتواضعه

ياسعد وانته بخيصن في مجالك = والله انك كفو يالرمح المطنا
لا تضيق ان ضقت ميل لي عقالك = وابشر بتال دونك ماتثنا

[علي الهيفي]

مشكور ياسعد على السؤال وماني بغايب دامك سألت طال عمرك من الروح ومتابعين

ياسعد وش ماتبي كلي فدالك=اطلب الغالي ويجي لك دون منا
ماني مقصر وكل مالي حلالك=دامك امن الروح لايشغلك ظنا

[وضاح اليمن]

ماقصرتم عز الله ماخسر من يسال عنكم

[عابدالبراك]

الله لا يهينك ياسعد هذا من طيبك اهل الوفاء هذا طبعهم الايام هذا الناس مشغوله مثل ماتفضلو الربع واليك هذه مجاراتي

ياسعد جعل السعد دايم برالك= ابشر انا من وطنا في وطنا
لو نغيب ايام ماندور بدالك=بالوفاء والطيب ماعنكم وعنا

[عاشق المستحيل]

السلام عليكم اخواني اعتذر عن الغياب ولكن لدي بعض الضروف وساعود باذن الله

ياسعد ياذيب حيا الله فالك= يارفيق الدرب يامشرف وطنا
والوفا والطيب باين من سؤالك=والدليل انك تنشد دوم عنا

واسمحلي على التا خير وان شاء الله ساعود قريبا

[السبع الضاري]

مشكور ياخوي سعد الفلاح على سؤالك وهذا من طيبك

ياسعد ياخوي جاب الله مجالك= اسمع اللي من سباعٍ يقنبنا
أنت طيب مار قلي وش حلالك= وين يسرح يابعد سبعٍ تعنا