[بادي الرجم]

لن كنت ناسي ياخويتم ماحفظته من سنين = عزي لعمك عقب ما داواك والساري سرا
الليله الليله سوالفنا معك دينا ودين = وان كانها بالهوش انا اتحداك والساري سرا

[بادي الرجم]

ايو الله الرجال الللي ماهو متحزم يودية للتهلكه هههههههههههههه

[حمد البارقي]

فيه احد

ياشعار الليل

[بادي الرجم]

البارقي سهران يبغى الطواريق = والشعر والمعنى مع اهل الضحاوي
بالليل يبني له قصور ٍ معاليق = واليا شرقت شمسه يطيح متساوي هههه

[عقيل الرشيدي]

ياهﻻ وغﻻ ومرحبا حيالله العريس وتو الاجازه تجيه هههههه صح الله السانك يابادي

[المعزب]

لله درك يابادي الرجم

طاروقين جزلات والعتب على الشعار الموجودين

تحياتي الك

[بادي الرجم]

مرحبا يالجديد ومرحبا يابوصالح وشوفتكم تغني عن كل الطواريق

انا ليا شفت مسؤول = يفز قلبي من أقصاه
وأقف على طول وأقول = يامرحبا بكل من جاه

[عقيل الرشيدي]

اقتباس من مشاركة بادي الرجم مرحبا يالجديد ومرحبا يابوصالح وشوفتكم تغني عن كل الطواريق انا ليا شفت مسؤول = يفز قلبي من أقصاه وأقف على طول وأقول = يامرحبا بكل من جاه

هﻻبك زود يامرحبابك وياهﻻ بالمعزب وارحب مليون

ابك البقا احساس مدبول=من هاجسن تو يقراه
فزت حروفه على طول=في حرف هجسك تغناه