[اخو جوزاء]

عطونا طاروق جديد يارويشد انت والعمده

[رويشد]

انت تدري ياعمدة عبس ماني غريب = لو تجيك الرسايل دون عنوانها
طعنة ٍ وقعة ياصاحبي في كليب = صحت الزير وأعلن حرب من شانها

[رويشد]

معك يالعمده للسحر ههه والله يبارك بالجميع

[ناصر خنيفر]

اقتباس من مشاركة رويشد انت تدري ياعمدة عبس ماني غريب = لو تجيك الرسايل دون عنوانها طعنة ٍ وقعة ياصاحبي في كليب = صحت الزير وأعلن حرب من شانها

طيب طيب


ادري انك شجاع وبالمواقف تطيب= مار منا الوصيه صاحبي خانها
خمسة شهورننخاكم ولالي مجيب= لعنبو ربعتن ماتنفع اعوانها

[ناصر خنيفر]

والله يارويشد انا ماعرفك ولكن متهملي شخص اقول يمكن انت

[رويشد]

يغدون عيال النيدو وانت ماتغدي يالعمده ههه

ما يداوي جروح الناس غير الطبيب = وانت في عيادتك عالجت مرضانها
لا عطينا ما منينا العطى يالعطيب = تشهد الصحف لا عرضت بميزانها

[ناصر خنيفر]

اقتباس من مشاركة رويشد يغدون عيال النيدو وانت ماتغدي يالعمده ههه ما يداوي جروح الناس غير الطبيب = وانت في عيادتك عالجت مرضانها لا عطينا ما منينا العطى يالعطيب = تشهد الصحف لا عرضت بميزانها

طيب طيب

ابتلشنا بمسراح البدو والعزيب= والبدو همل الجيان مقطانها
مالقينا عطاكم والحكي مايثيب= الحكي مايشبع جوع ضيفانها

[ناصر خنيفر]

مع السلامه يارويشد والى القا في الايام القادمه