[حزام غانم]

حصايد لسانٍ بين غالب ومغلوب= ووقت اللزز يظهر صهيل الحصاني

قرينا وكتبنا وباقي للعلم مكتوب = على سنة محمد تطيب المجاني

[السيف القاطع]

ترا الناس لو تغرف من البحر با الكوب=يضيق الفضا وللي معه كوب فاني=

يقولون راع الصدق با الوضع منكوب=ولادري وش اللي صار بين الخواني=

[حزام غانم]

لو البحر له قيسٍ ماحد يدخله نوب = ونجم الجدي ماهو سهيل اليماني

يقولون عذب الشعر لاصار مكذوب= فرزدق يقوله لو جرير ابتلاني

[السيف القاطع]

جزيل الكلام بخاطر الفكر مصحوب=لون القضيه فوق نص المكاني=

تشوف الصحيح ابتالي الوقت محجوب=ودرب المسيره بين قاصي وداني=

[حزام غانم]

يارجال بعض الناس مازرة الثوب= وعيد الضحيه عقب عيد رمضاني

تضيع الحقوق وكل ممنوع مرغوب= وسوق المدينه به دقاق وسماني

[السيف القاطع]

صح السانك ياحزام غانم وبيض الله وجهك ماقصرت
وتصبح على خير انت وجميع من حضر

[حزام غانم]

صح بدنك ياالسيف القاطع ولا هنت


ومشكور وانت من اهل الخير