[عيد ابو غريب]

الله يحي نباك ويبارك فيك ياكاتب

[ابن وايل]

اقتباس من مشاركة عيد ابو غريب يامرحبا وابشرو بالهيل في بيض الفناجيل من هاجس الي كسر فنجال بن يكيف الراس

اقتباس من مشاركة عيد ابو غريب من مد له صاع ماله غير من يوفي له الكيل حنا هل الطيب والنوماس لامن صار نوماس

ابرك الساعات
فيك البقى كان لك بالشعر مثل اسمك وحلحيل==وحيا الله الصوره الي تجلي الضيقه والاعماس

هات الحطب ياعميلي واضبط لعيد المعاميل == والدله مهيلة والبن يحمس له بمحماس

[ابن وايل]

الله يحييك ياكاتب
وين الوسام اللي وعدتني فيه
طال عمرك
ترانا ندور اللي يبيض الوجهه

[عيد ابو غريب]

لعل فيك بركه يالوايلي لاتامن السيل لامن بدا سهيل عنز منزلك في راس نبراس
يالوايلي من يجيب المايله يصبر علي الميل والا علي الحق يرضي لو يطير الراس بالفاس

[ابن وايل]

ياعيد شفت البشر تمشي على بعض التأويل=ويقول هذا كليب وذاك يابن الناس جساس

والمايله ياعميلي ليش ماتحتاج تعديل = والعالم النايمه تصحى ليامن دق الاجراس

[عيد ابو غريب]

ياطيبكم في نواديكم بحزات التعاليل لامن فتح للسوالف باب تعلوله ومجلاس
مافات تلقاه بكره في لياليك المقابيل من شان بعدين ماتلبس ثيابك غير بقياس

[ابن وايل]

اقتباس من مشاركة عيد ابو غريب ياطيبكم في نواديكم بحزات التعاليل لامن فتح للسوالف باب تعلوله ومجلاس مافات تلقاه بكره في لياليك المقابيل من شان بعدين ماتلبس ثيابك غير بقياس

ياليل ياليل ياليل العنا ليل البهاذيل = وانا احسبني معك يابو غريب انذب الاطعاس

الجيل ياصاحبي لاراح هذا يتبعه جيل = واتشوف في تالي المشوار كيف الكاس بالكاس

[عيد ابو غريب]

امسك عقالك علي راس ولا يسري به الليل لا يسري عقالك وتقعد علي الدران منحاس
ابلش بنفسك لا تبلش بالعرب وتحط وتشيل بعض البشر مايسولف غير في عايد وعباس ومع السلامه