[امبرطورة بني رشيد]

اقتباس من مشاركة أميرة البنات هههههههههههههه

اقتباس من مشاركة أميرة البنات اكره شي بالمطبخ الفرن ههههههههه دايم يفقع بوجهي هههههههه o_oo_o طرح موووفق امبراطورتنا <<<ولي تواجد اخر بأذن المولى

ياساتر ..
اسم الله عليك من الفقعه ..ربك يعين
اسعدني حضورك.. وبنتظارك طلتك

[امبرطورة بني رشيد]

اقتباس من مشاركة rِِoh~ أنا جرأيمي مو في المطبخ لما أطبخ صار الحرق شرط أساسي دايم اذا طبخت أحرق نفسي وأخر حرقه توها مالها أسبوعين ,.’ الله يعين / عوافي غلاي ...

لبى السنع
:::
من المتعارف عليه ..عند كبار السن بالذات, ان البنت اللي تكثر حروق يدها تدل على السنع ,,وانها ست بيت ..
يالله رب ضارة نافعه وكل شئ بأجرة ..

اسعدني تواجدك

[امبرطورة بني رشيد]

اقتباس من مشاركة طيف المشاعر جرائمي بالمطبخ كثيره ^_^ لكن بقول لكم قصه غريبه وشبه خياليه حدثت قبل سنوات..لم أخبر بها أحد سواكم ^_^ تزوجت احدى قريباتي وهي تكبرني بالعمر وبعد شهرين عزمنا زوجها.. فقبلنا الدعوه أنا وأمي وأختي التي تكبرني وطبعا والدي واخوتي وبعض الرجال من أصدقاء زوجها .. طبعا أهل الفتاه في مدينة أخرى.. طبعا أتينا مبكرين..وكان فيه سيدة وابنتها من الضيوف سرعان ما اندمجت أمي وأختي معهما وكانت البنت مجهزه القهوه والشاي والحلويات قالت لنا خذوا راحتكم بروح اسوي العشاء طبعا كنت أراقب الاحاديث من حولي بملل ثم استأذنت من أمي وقلت بروح أشوف قريبتنا ممكن تحتاج مساعده فقالت لي أمي عبارتها الدائمه "انتبهي من الباب لايكون مفتوح ويدخل زوجها" وعندما دخلت المطبخ انصدمت تحجرت في مكاني فالموقف أشد من أن يوصف *_* أكمل لكم يوم ثاني انتظروني ^_^

الله يسعدك ...
قاعدة احلل المصيبه اللي كنتي فيهاا.. ماودنا نحكم ونحرق الموقف !!
..بس بنتظار ردك المشوق ..

[راسبه بالحب]

طيف طيف كملي اشتقت لموقفك هع اتوقع زوجها الي يطبخ ههههههههههههههههه

يعطيك العافيه يامبرطورتنا على هالموضوع التوحفه .



احم احم بقولكم موقف لما كنت بالمتوسط قمت الصبح ومافي احد امي وابوي طالعين الموهيم ..قمت جيعانه مدري وش اسوي

قلت مالها الا انا والله وانا اشمر عن يديني وادخل المطبخ واقطع بصل وطماطم واكسر 3 بيضات واحوسهن مع بعض وطلع شوي قمت عاد انا من الفلاحه الزايده واحط نص كوب ماء ابيه يكثر هع

المهم جيت اسويهن بالنار الا احس انهن ماء ماتكثف وارميهن بالزباله وعلى هالحال لما دخل اخوي اكبر مني

الا انا لعبتن بطبق البيض اكسر واقط كنت ابيه يستوي بسرعه >>مدري وش كنت احس فيه

الوكاد انو جا اخوي وسوا لي وله فطور وتبت بعدها *_*

[سولاف]

برضه اقولكم موقف ثاني

كانوا عندنا اهل خالتي وعاد تعرفون البنات لااجتمعن

المهم قاعده بنت خالتي تقولنا سالفه خطيره وانا مندمجه معها

والا تجي امي قالتلي قومي زيني الشاهي

المهم اسوي الشاهي وانا تفكيري بالسالفه <<<<حريم بس ندور السوالف

المهم استوى الشاهي وانادي اخوي الصغير يودي الشاهي للرجال

ومن حسن حظي ماكان موجود بالمجلس الا ولد خالتي كنت توي متغيطين عنه

وشوي والا يجي اخوي تخيلوا الموقف الصاله به بنات خالتي وخالتي ومرة ولدهم طبعا مامون عليها

قال اخوي يقول فلان اللي هو ولد خالتي الشاهي زايدن حلاه غيروه

قلت انا والله مااذكر اني كثرت الحلا بس بسم الله علي كل شي من يدي لازم يطلع حلو

قالت خالتي عطينا هالشاهي انا احب اللي زايدن حلاه

واروح اصب الشاهي لخالتي ويوم شربته ويتغير وجهه

وتناظرني وتضحك قالت الشاهي ماصخ مافيه ذرة حلا

[امبرطورة بني رشيد]

راسبه في الحب ..
بيض مع ماء<< قووووويه على مبتدئه :)
:)الله يعين اللي بياخذك اكيد بيقعد على بساط الفقر ...

ربي يعافيك يارب .. والله جبتيها.. امقن هذا اللي شافته طيف ..نحتريها ونشوف ,,
واسعدني مرورك الطيب

[امبرطورة بني رشيد]

سولاف
وربي ميته ضحك << عجزت افهم الخلل :)
بس فديت اللي تمدح نفسهاا :)

الله يسعدك يارب ...

[دانه]

هههههههههههههه طيف تبي تحمسنا ههههههه ننتظرك بس لا تتاخرين يرحم امك

بنسبه لي انا اكره لا اشوف تنظيف المطبخ ما احبه اطبخ فيه بس ما اغسل بس ياكثر ماتحترق القدور ههههههههه لحد ماطفش زوجي من كثر ما احرقهن وقال شوفي ترا هذي اخر مره اسمحلك لانه يومين ياكل غدا محروق
المهم قلت عاد بيني وبين نفسي والله اني مالومه عاد بنتبه اليوم للغدا المهم ركبت الغدا ودخلت اروش بنتي ونسيت الغدا وعلي دخلت زوجي الا الدخنه ههههههههههه ويجي وينادي لي واطلع قلت والله نسيته ومن الروعه القط القدر ابي احط بالمغسله ورجلي تزل الا قدري فوقي ههههههههههه واجلس ابكي ويفكني الله من النار ومن زوجي ههههههه ومن بعدها اتوب ما اطلع من المطبخ الا لين اطفي عنه

الله يسعدك يالاامبرطوره