[كايد المرقا]

الله يسامحك بس

الانسان الذكي مايضيع وقته بشي يعرفه

يبحث عن شي لم يتعلمه بعد

ورب البيت قرأتها مثل ماهي ( جاع ) وظنيتك كاتبة جاع بالي يعني متعطش

ولاجاء على بالي انا انك حجازية تقولبن ع بالي او ابروح ع البيت

وتبين العلم الاكيد من باب الخيال البال يجوع

مثل ماالعيون تجوع

مثل ما يقول احد المشتاقين

العيون تجوع لك جوع والله العظيم ..؟
والعشا فعيونك السود وعيوني جياع ..

إن عطيتي ..؟ مايرد الكريم إلا اللئيم ..!
وان بخلتي قلت تكفين والدنيا متاع ...؟

اقبلي مثل التباشير في وجه الكريم ..!
وابعدي مثل التعازي على موت الشجاع ..!!

هيه ياللي غرّك الليل واغراك النديم ..
هيه يالي هزّك الشوق والمسرى ضياع ..!

وقــّفي بين الخطا والصراط المستقيم ..
والعبي بين التراحيب وكفوف الوداع ..!

وسولفي مثل المشاريه في صوت الحشيم ..!
واسكتي مثل الشفايف لياطاح القناع ..

واضحكي مثل النواوير في روضة خريم ..
واغرقي مثل المزاجات في غرب الرفاع ..!


وابعدي مثل المتاهات في حلم اليتيم ..!
واقربي بين السوالف وكتفي والذراع ..!!

وانظري لي نظرة الشوق للشي القديم ..
واغرقي بالدمع الازرق مظاليل وساع ..!

واصبري مثل المسافات في( صبر الحليم) ..!
واسمعي صوت الهوى يوم فليت الشراع ..؟

يوم صرتي عود ريحان وارضاي النسيم ..؟
اصبري يانجمة الصبح ما للصبح داع ..!

قد طلبت الله وانا بين زمزم والحطيم ..؟
شوفتك يا أغلى ثنيـّـه ليا صرتي رباع ..!