[مفتاح]

ياوسيع الصدر كان شعيل ماتقدر تقوده=لاتروم الطايله والطايله ماهي عوافي
زاكي العرقين وافي من نزوله لا صعوده=والحقايق ماعليه يابيض الشارب خلافي

[شاعر أعلام]

اول المشوار كلن نضرته برى حدوده = واخر المشوار واحد نظرته ترجع خلافي

لاتذكرنا المواقف وقفت الطيب معدوده = والله انا ماندور هزعت الرجل السنافي

[الفيلسوووف]

لاتذكرنا المواقف وقفت الطيب معـدوده

والله انا ماندور هزعت الرجل السنافـي

كلام سليم

[مفتاح]

السيوف الحدب في كل المواقيف محدوده=لاتدور للعلوم الي تبين ولا تشافي
لاتهد البيت ويحول على راسك عموده=والبروق تلوح بالمنشاء ومجرى السيل سافي

[شلاش]

ياسلام
عاشوووو
شعراء وافين

[شاعر أعلام]

انت وسعت النظام وضاع عرفك في بنوده = لاتعمق بالهدف ويصير بالعلم اختلافي

الكلام الي سمعته منك ذعذع في بروده = كيف اخيل البرق واعيوني تشوف الجوء صافي

[مفتاح]

بارك الله فيك ياشاعر اعلام ولاهنت الان موعد الصلاه وتصبح على خير

[شاعر أعلام]

الله لايهينك يامفتاح عز الله انك شاعر تستحق الاشاده والله يقبل منا ومنك صالح الاعمال