[الفيلسوووف]

اقتباس من مشاركة الشريف خل ديبانك تولي جاك ذيب وشم شمه=والله اعلم وش يسوي بين الاقصى والموالي عرفنا غطى الجهل ياشاعرٍ مامعه ذمه=انشد اصحاب الفضيله وانشد اصحاب المعالي

تعرف ان الذيب حيوانٍ خشاش الارض لمه=عقب هذي لاتكثر معي تخثيق وجدالي
ماتعرف الا كلامٍ فيه حسد وفيه نمه=الشريف اللي تشرف مع كريمين السبالي

[الشريف]

انت لاتزمر تراك اليوم ضويت المطمه = راجع الدفتر وفكر فالجواب وفالسوالي
مايقول الهرج هاذا غير رجلٍ فار دمه =المعاني كيف مثل الكيف فبطون الدلالي

[الفيلسوووف]

اقتباس من مشاركة الشريف انت لاتزمر تراك اليوم ضويت المطمه = راجع الدفتر وفكر فالجواب وفالسوالي مايقول الهرج هاذا غير رجلٍ فار دمه =المعاني كيف مثل الكيف فبطون الدلالي

ودي ان الهرج هذا من على صدرك تضمه=انت انا مزمرك عليك ادفنك في وسط الرمالي
الشريف الله يعينه باينٍ همه وغمه=لامعاني عنده ولاعنده بيوتٍ جزالي

[الشريف]

الله اكبر عقب دلوي ما روى من بطن جمه = مانسميها حرام ولا نسميها حلالي
الشريف الله يعينه طاحله في شخص رمـه =الله يجيب العوارف قبل اجيب اللي طرالي

[ابو شرق]

يالشريف اسمحلي ان اقول لك اني وقفت لشعرك وقفة احترام واعجاب واذا ماعندك مانع ابا معك طاروق بعد طاروقك مع الفيلسوف

[الشريف]

تسلملي يابو شرق الله يكثر من امثالك
وشهاده اعتز وافتخر فيها من شخصك الكريم
اما بالنسبه لطاروق اسمحلي والله اني معاد في حيل
ابروح انام مير اوعدك يابوشرق العب معك عن قريب انشالله

[الفيلسوووف]

اقتباس من مشاركة الشريف الله اكبر عقب دلوي ما روى من بطن جمه = مانسميها حرام ولا نسميها حلالي الشريف الله يعينه طاحله في شخص رمـه =الله يجيب العوارف قبل اجيب اللي طرالي

كيف تنسى واحدٍ طول الزمن لفك بكمه=استريح وريح لسانك ترى مشغلت بالي
انت كائن حي من صوت المخاطر فك فمه=مير ياليتك تدور ظل بطراف الجبالي

[ابو شرق]

اقتباس من مشاركة الشريف تسلملي يابو شرق الله يكثر من امثالك وشهاده اعتز وافتخر فيها من شخصك الكريم اما بالنسبه لطاروق اسمحلي والله اني معاد في حيل ابروح انام مير اوعدك يابوشرق العب معك عن قريب انشالله

الحقيقة تستحق اكثر ولا يهون الفيلسوف