[المكلماني]

صاحبك لو جيت ضاوي مع عرق النفود=ما يهيضه لايح ٍ دوب براقه نضا
يا عميلي واردف العلم تاتيك الشهود=ان شهدنا معك زور القضيه للقضا

[ابو شرق]

اقتباس من مشاركة المكلماني صاحبك لو جيت ضاوي مع عرق النفود=ما يهيضه لايح ٍ دوب براقه نضا يا عميلي واردف العلم تاتيك الشهود=ان شهدنا معك زور القضيه للقضا

بعد شفت البرق ياصاح وواحيت الرعود=كان نمت بمدرج السيل فانت اجلك قضا
ننصحك عن هرجة الزور واحذر لاتعود=وكان عدت بهرجة الزور يلزمك القضا

[المكلماني]

النظام اليا نهجته تقيد بالبنود=جعل حظك لا نهجته يفز وينهضا
كيف ابا علمك فرق النمور امن الفهود=يدغفون امن اللحم دوم ني ولانجضا

[المكلماني]

و 4 ضيف)


حياكم الله

[ابو شرق]

اقتباس من مشاركة المكلماني النظام اليا نهجته تقيد بالبنود=جعل حظك لا نهجته يفز وينهضا كيف ابا علمك فرق النمور امن الفهود=يدغفون امن اللحم دوم ني ولانجضا

بكرة الشهر الفضيل وعسا عيدك يعود=مير تب لله عن كل ذنب ن قد مضا
فرصت ن ياصاحبي ماتعوض بالنقود=عزتي للي على مثلها ماقد حضا


تصبح على خير والله اني العب وانا ماني بجو اللعب مير سامحني وكل عام وانت بخير

[المكلماني]

صح السانك يا ابو شرق واسمحلي على ثقل العشا الليله

[ابو شرق]

اقتباس من مشاركة المكلماني صح السانك يا ابو شرق واسمحلي على ثقل العشا الليله

عادي انت اللي سويته وانت اللي اكلته

[كاتب الرشيدي]

صحت السنتكم

عز الله في هذا الطاروق إبداع حتى بالخاتمه بينهم معنى وفتل ونقض هههه
بيض الله وجيهكم

يستاهل هذا الطاروق التميز رغم نه لم يكتمل بالرؤية