[مرآهيش]

هنا .. اقول ياحبر القلم هذي الاوراق = تعال انثر ادموعك وسلم على اوراقي
هنا .. الذكريات مدونه لو يصير افراق = كتابات للتذكير في حالة افراقي

[مرزوق العجوني]

قوله غيابك عن حبيبك سكاكين
ماهو حرام الذبح بانسان فاني
دايم يحن لموعدك يعرفه زين
ودي بشوفه يابحر لو ثواني

[مرآهيش]

ودي تشوف الهـم وش لـون سـوى=في حال من حبّك على غير مصلوح
جرحـتـنـي جـــرح جــديــدٍ تـلــوّى=علـى خفـوقٍ منـك بالحيـل مجـروح
وسـويـت بــي شــيٍ مــا ينـتـسـوّى=وأقـول يـا سيـد المماليـح مسـمـوح
لـيـتــك بــزلاتــك عــلـــي تـــــروّى=يوم ان حبي لك مـن الـروح للـروح
إن كــان حـبـل وصـالـنـا مـاتـقـوّى=الله يعين عيون (مشعل) على النوح
لا يــا بـعـد مــن جـابـواآدم وحـــوّا=خطاك مهما صـار منسـي ومدمـوح
ليـتـك دخـلـت بـداخـل القـلـب..جـوّا=حتى تشوف بعينك الجرح...وتروح

[الرشـ بنت ـايده]

انت الوحيد اللي من القلب ساكن ..
و انت الوحيد اللي بـ حبه تعلقت ..
أبعترف انّك داخل القلب ساكن ..
و أبعترف انّك بـ الغلا حيل حققت ..
ما سمعت محمد يوم غنّى الاماكن ؟ ..
اسمعها و تعرف وش كثر لك اشتقت ..

[عيد الداموك]

الله من قلبٍ اذا ناموا الناااااااااااااااس...... جاه انتداب من الطواااري وحااااسه

قلبي يجيه من الهوااااجيس هوجااااس..... يدرس مواااضيع الطواااري دراااسه

لو طااااوع الي ينصحه كاااان لابااااس..... لكن يحسب ان النااااصيح جرااااسه

على الذي من دوووونه البعد واليااااس ..... ارجيه وبدلت الترجي بياااسه


اخااااف انا من هرجة ماااالها راااس.... من واحدن تبين فيه النجاااااسه


وعديت صلفاااات الليااالي بقرطاااس.... لقيتها اكثر من لياااااالي الوناااااسه

[الرشـ بنت ـايده]

على ذاك الغصن كانت | حكاية عاشق و عصفور
و على ذاك الغصن [ ماتت ] عبراته و هو ساكت !

[مرآهيش]

في التمتع بـ القراءة ألـم ..

فـ كيف بمن عـاشـه واقـعـا ً ؟؟!

لـ / الحل يا اللي في لحدهـا مسجـاه=قريبـة بعيـدة حولـهـا حــال
بعيـدة عنـا صباحـه وممـسـاه=قريبة منـا علـى كـل الأحـوال
ياليت من وايـق عليهـا بمثـواه=لعـل قبـره للمراهيـش مدهـال
خبري بها تضحك وهي عارفـه داه=ما شفت منها في مرضها تملمـال
تضحك تبي تسلى وهي داه بـرداه=تدري عن العله ولا تشكي الحـال
عساك من ربي تفوزيـن برضـاه=في جنة الفردوس يا حـي منـزال
ونا معك يـا قـرة العيـن ومنـاه=انا معك باسـم المثانـي والأنفـال
عقبك نضير العين لونه نثـر مـاه=من كثر نوحي والبكـا والتولـوال
عقبك عميت وكل دكتـور انصـاه=من كثر ماابكي لو يرد البكا غـال
بكيت حـول كامـل طـول فرقـاه=بكيـت واببكـي ولا نيـب مـلال
أيوب شاف الضر من حـر بلـواه=وأنا من البلوى تجرعـت الأهـوال
ما لوم حي جـاوب الذيـب بعـواه=واللي فقد غاليه يعول لـه اعـوال
غيري بكى وابكي وبيـح خفايـاه=الورق والسرحان ونسوان ورجـال
ناق تحن وكن فـي جوفـه رحـاه=من وجدها الناهي على نوق وجمال
تحـن للـذود الولايـف ومرعـاه=ونا على روحي حنينـي والاعـوال
تاجد كما وجدي ونا وجدي اكمـاه=أخاف من هرج العـواذل والانـذال
ثم الذي يصبر على حكـم مـولاه=يفوز من ربـه بتوفيـق واجـلال
وأنا سمعت وطعـت واستغفـر الله=وارجي ثوابه يوم توزيع الأعمـال
لكن نــجــــلا واسمها ما اقـدر أنسـاه=وجه المحبه والرضا وجه الاقبـال
مع الحضر والا مع البـدو مربـاه=يفـز قلبـي للاسـامـي والأزوال
أحب نـــجـــلا و اسمها كل مـا أقـراه=وأحب طاريها ولو قال مـن قـال
اسم يفوح بغالـي الطيـب معنـاه=يصيبنـي لا قيـل نجـلا تحـروال
لو أجحد العبرة فضح عينـي بكـاه=دمعي على الخدين دايم له اهمـال
دمعي مع العبـره مـع الأوه والآه=لو جت على عالي شمنصير ينهال
يعقوب من قبلي ترى حزنه اعمـاه=وانا عميت وجاري الدمع مـا زال
دمع ذرف من ثومة القلب ما اقواه=إلى انفجر دمع المعاليـق غربـال
وش لون أرده والمحاجيـر تنحـاه=إلى امتلت فاضت على كل مكيـال
واحزني اللي طاول القلـب يشعـاه=يشعاه مثل الطيـر بيديـن جهـال
الدار عقبك يا بهـا الـدار عفنـاه=ينعاف منـزال رحـل عنـه نـزال

لـ الشاعر / عبدالله بن عبد الرحمن العرفج .

[عبد العزيز]

سلام الصبح للغالي

سلامن هبت انسامه

بريح العود ينهالي

بعطرن محدن سامه

ويعل داره بالعالي

تغنا بوطية اقدامه

حشيم معنااك ياغالي

اهديك مرحبا وابتسامه.