[سعد بن عادي]

تغيب الشمس ، ويحل الظلام بغيبتك يا النور ..
وأنا المحتاج .. لأنفاسك .. "دخيلك لا تخليني "

.
.
.

تبادرني من .. طيوف الوله ما تكتسي .. بالجور
وتوردني غياهبها ، وتسرف في شراييني !!

.
.
.

أنا ما أريد منك غير تبقى في الزمن مسرور
لو إنك سارق .. أفراحي بلحظة من عناويني !!

[سعد بن عادي]

عن .. عيون الناس غيبي ، وانتحي يالضيقه
دار .. دولاب الحقايق ، وانكشف [فحواها]

يشره ( الطيب ) ، ويلقى له قلوب مويقه..
لكن أصحاب العقول اليوم من يلقاها !!

[سعد بن عادي]

وش أكتب لك ؟ وأنا كلي كتـاب دوم تقرينـه..
ليا شفتي حروف الضيـم : لا بـدّك .. تشوفينـي
أعانـق لهفتـي / والريـب تجرحنـي.. سكاكينـه
[ ورزنامة ] حياتي ذرّهـا الحرمـان / فـي عينـي ..

[سعد بن عادي]

أنتي أنيقه/ رقيقه/ ناضجه/ أُنثى
والذوق يا راقيه! مخلوق لعيونِك

فــ غيابك! عروق قلبي حالها يُرْثَى
تلَطّفي مع شرايينٍ يحبّونِك

[سعد بن عادي]

نام قلبك وقلب اللي عشـق مـا ينام
والليالي عميق الجـــرح ما زالته

خلـّـها بيني وبـينك وفـــــا واحـترام
واجرح القلب لا ترأف على حالته

ودّي اروح .. عجـّل لا يطول الكلام
هو بقى من عيونك شي مــا قالته

صاحبك يــــوم هــزّيته بجرح الغرام
ودّه يــطـيح لـــكن عـــزته شــــالته

ارتوى الليل من رمشك وزاد الظلام
والغــــلا .. ألـّتـوت رجـلي بمحبالته

بين صــــدق الاماني والعتب والملام
حـــلم لقـــياك يـــوم عــيونك أختــالته

كنت تكبر بعيني عـــام من بعد عــام
لــــكن ايـديـك صـــافي الـــود ما طالته

لا تزيد الجــروح ولا يطول الكلام
هو بقى من عيونك شي ... ما قالته

[سعد بن عادي]

من ضيقة الخاطر ومن لوعة الوقت
يا صبر لا تفقد مكانك وعزمك

النفس لو تستسلم لغربة المقت
حطيت ياوقتي على الصدر وسمك

[سعد بن عادي]

محاولتك التفاهم مع الأنثى اثناء بكاءها،
كأنك تفرق الجمر أثناء العآصفه .....


فقط : أُحضنها كي تهدأ .....

[سعد بن عادي]

ماودي آخذ من الدنيا ولا حاجه
الا عـمـل يـرضـى الله يــوم أودعـهـا..!