[مرآهيش]

اغمٌض العين و اتذكركٌ يا الغالي=..و جميع طاري على جال الفكر يرسي
تدري وش اللي يجيب العيد في حآلي= ذكرى لقانا ليا من جيت هالكرسي

[ذبحني غروركـ]

خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده
أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريده

[هامة العز]

جيت وتحت حد النظر سرج وجواد=وبيت"شعر تذري عليه السوافي

[مرآهيش]

فصلت أنا من خآمة العز لي ثوب...وكسيت به نفس رقت للمعالي

لاهوب لا شحذه ولاهوب مغصوب..ورثن ورثته من كبآر السبآلي

وعن مايعز النفس لايمكن اتوب...لني حفيدة محتمين التوآلي

اللي لهم فعل على الصخر مكتوب...وأمجادهم ماهي سوالف ليآلي

[ذبحني غروركـ]

جآعت عيوني شوفتك يآ عنيده
ما ترحمين اللي بلته المجآعـــه
غبتي و سميتـك قريبـة بعيــده ..
و العين تحسد خافقي عالقناعه
مدري غيابك ويش باقي مزيـده
مالي على صـد التياعـي براعـه
تدرين وش في غيبتك مستفيـده ؟
اني أصلي الفجر ويــآ الجمــآعــه ..!!

[نايف ابن عليثه]

يقول لي صاحبي ../ يا صاحبي دقق ..!
وأقول ..{ ماني لكثر البربره فاضي ..!

يقول ظهرك من الطعنات ..{ متشقق }..
وأقول ../ خابر طعوني وأعرف أمراضي ..!

اللي يبي فوق متني ..{ مجده يحقق ..!
يرقى تراني عن ..{ الطعنات }.. متغاضي

[النمر1012]

سلامي سلم اسلام بالطيب مدهـون اقولهـا يـوم الرحـى مستـديـره
دام الوفا ويـاك بالطيـب مقـرون الاولـه تتبـع طـريـق الاخـيـره
هاض الفكر واليوم وافي ومضمـون واغوص انا واسبح بحور(ن) غزيره
امشي مع القيفان ممشن على الهون ماضاق صدري والمعانـي عسيـره
اجـر قافـي والقوافـي يـجـرون مثل الخطـام اللـي يسـوق بعيـره
يامكثـر اللـي للقوافـي يصفـون تصفيف قافه شبه خربـن كسيـره
يابو سعد والنـاس عنـي يعرفـون رجال ماجاه الـردى فـي ضميـره
بعض العرب مابين صاحي ومجنون حنـا نـدور للوجـيـه الستـيـره
النـاس بالامثـال دايـم يقـولـون الرجـل مـا يقـدر يحـدد مصيـره
من يخلط التفـاح منجـا وليمـون عقب هذاك اللي شرب من عصيـره
ومن عاشر العقرب وطبعه ترا يخون يلدغ ولا يـدري ومنهـو خشيـره
ياذيب انا ويـاك والنـاس يـدرون صعب العشير يخون صحبة عشيـره
هلا القنص مع طلعة النور يمشـون كل(ن) يعرف الـدرب كلـن خبيـره
ماني صحيب اهل النمايـم يحشـون اللي تجر الصـوت فـي كـل ديـره
وماني من اللي مع هل الليل يسرون امشي على وضح النقـا والسفيـره
العاقل اللي يسمع الهرج مضمـون ياخذ قليـل الهـرج يتـرك كثيـره
انا بنيت القاف فـي بيـت مركـون مثل الجمل لاهـاج يسمـع هديـره
وصلاة ربي عـد ماكـان مكنـون على نبـي الحـق نـور الجزيـره

[الرشيدي$$$]

الا الكرامة انتبه واحسب لها حساب افتح لها قوسين واكتب كرامه
الله خلقنا تراب وبنعود ف تراب اما بكرامه او بليا كرامه