[غربة الروح !!]

ليه أحس إني وأنا اشوفك حزين

وقلبي الليله بهمي ممتلي


كانها الفرقى طلبتك حاجتين

لا تعلمني ولا تكذب علي


خلني ما بين شكي واليقين

السكوت رضاي عنك وزعلي


باكر اللي خافي لازم يبين

والوعد بلقى مكانك به خلي


وانتظر لي ليلة او ليلتين

لين ما يقفي السحاب وينجلي


ولا طويت الياس بذرف دمعتين

للهوى الغالي وبا وادع هلي


صاحبي بموت من كثر الحنين

خلني بختار لحظة مقتلي

[غربة الروح !!]

حبك سراب ضيعت وقتي اتبعه ، وسط الضباب صوتك ينادي أسمعه صرت أتبعه..

[غربة الروح !!]

أبعتذر أبعتذر كلي ندم أبعتذر عن كل شيء إلا الهوى مال الهوى عندي عذر

[غربة الروح !!]

المحبـة أرض والفرقـا أراضــي

والزمن كله تـرى لاغبـت ماضـي

والله إنـي مـا أشـوف إلا عيونـك

إن رحلت اليوم أو طـوّل مراضـي

قالـوا العـذّال والعـذّال مـرضـى

وش بلا حالك من الاشـواق قاضـي

قلت يهجرني حبيبـي ليـن يرضـى

علّموا الظالم ترى المظلـوم راضـي

جرّحوني في هواك وقلـت أبشكـي

ماهو من جرحي ولكن لإعتراضـي

وش علي لو قطّعوا لاجلك عروقـي

من رضى بالحب .. يرضيه التغاضي

[غربة الروح !!]

فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبـي اللي يموت .. وما يموت ..
لكل قصة حب .. عذال وحسود ..
ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرّحنا عيون الليل .. وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها .. وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرّحنا عيون الليل وحروف النميمه ..
ولو يعذّبنا السكوت ..
إن عطشنا أو شربنا الدمع ديمه ..
للهوى بنحيا ونموت ..

[غربة الروح !!]

إلى من .. يهمها أمرى .. إلى من ..

رجاءً .. إلى متى صبري .. رجـاءً

أنا لن .. اشتكي .. همي لغيـرك ..

ياروحي .. اشتكي روحي على من ..

رسالـه .. حبـرهـا .. دمــي ..

رساله .. تصرخ ابهمي .. إلى من ..

سألت الرمل .. في دروب القوافل ..

سألت الجدب .. عن لون السنابـل ..

سألت الناس عن وجهـك حبيبـي ..

عن الشمس .. ومتى تشـرق مسـاءً

أحبـك .. يالصـحـاري الـلـي ..

فـهجيرك .. احترق كلـي .. وفـاءً

كتبـت لواحـة عيونـك رسايـل ...

بسراب الدمع ... وانفاس القوايـل ..

كتبـت وذي تـرى .. اخـر رسالـة

أحبك .. وان نسيتينـي .. وداعـاً ..

[غربة الروح !!]

تعال .. بلّل جفاف الحُب .. بقدومك ..
.. وامطر .. غلا .. واشتياق .. و بشّر احوالي ..


تعال .. مآ غير انا و الشعر .. و غيومك ..
.. واللي بقى من سوالف خيبة آمالي ..


تعال أبشكيك .. مني و آخذ بلومك ..
.. و آتحسس من العتب .. قيمَتْكْ .. بوصالي ..


مدينتي .. والشوارع قاضبه هدومك ..
.. وتقول آنا .. اخاف : ( .. لا تخليني لحالي ..


قم .. لمني حيل .. وان سايرتك همومك ..
قم .. لمني حيل .. وان سايرتك همومك ..
قم .. لمني حيل .. وان سايرتك همومك ..
.. ازفر .. وانا اتنفسك .. واحطها فـ بالي ..


و ابدعي الله .. بشي ِ .. يطرد سمومك ..
.. وابيك .. ما تنصدم .. من لجّة ... هبالي ..


ماني بقايله جعل يومي قبل يومك ..
.. ودي تموت انت !! قبلي و " الحقك " تالي ..



آحب عمري .. عشان اريّح كمومك ..
. . ما ودي الدمع يجرح ... خدك .. الغالي ..
. . ما ودي الدمع يجرح ... خدك .. الغالي ..
. . ما ودي الدمع يجرح ... خدك .. الغالي ..

[غربة الروح !!]

أنا السؤال اللي رحل في شنطة المنفي وطن
وأنا الجواب لكل سؤالٍ جاد به فاه اليتيم

وأنا الدموع اللي تدور عن كفوف وعن حضن
وأنا الجنون اللي نفاه العقل وأصبح له غريم

وأنا البلاد اللي غرقت في همها وماتت مدن
وأنا الولود اللي أنجبت من وقتها جرحٍ أليم

وأنا الفتاة اللي رفضت في حلمها طعم الوسن
وأنا العطر أسكب لهم من سوسن أنفاسي نسيم

وأنا المواني اللي على شطآنها يرسي الشجن
وأنا الحبيب اللي غدى وصله من أحبابه عديم

وأنا أنا ضيعتني وبعضي على بعضي يحن
مثل المطر أرويتهم من غيمي وزرعي هشيم

في ضعفي قوّة بي رقت درب المعالي بلا وهن
وفي قوّتي ضعفٍ سجد وبوجنته ذنبٍ عظيم

حزني نبيل وانتمائه لأرض تهدي له كفن
سافرت بدروب الشقا وأسرفت بي ووقتي كريم

فقري غنى لوّه عجز يبدل ثياب الحزن
وغناي فقر ومعه أبلل خبزة أحلامي بديم

قطفت من ثمر الشقا وأطعمت أهداب سهرن
سريت وأهداني الطريق العثرة وليلي عتيم

ياقلّني لا جيتني أبحث عن أفراحٍ غدن
عهدي وأنا طفلة بها أوااه يا عهد النعيم

وياكثرني لا قلت منفيّه وأيامي قسن
كل المنافي لي وطن والحزن بأوطاني زعيم

تمرّني ذكرى حبيب بـ تربة غيابه دفن
أنثى تحن وفي دفى أنفاس غايبها تهيم

في غيبته حسّيتني أطوف والذكرى وثن
حلو الليالي تمرّني وأمرّها مثل السديم

ياكثرهم حولي ولا غيره حبيبي بي سكن
موشوم حبه بالخفوق ولوهوى غيره أثيم

طيفه يشارك كحل عيني اللي رسمته للحسن
ومن غيبته سال ورقى للعين موجوع وسقيم

أذنبت في حبه ويا ليته يعاقبني بـ سجن
حبٍ مؤبد داخل ضلوعه وحكمه مستديم

محتاجه لوصله مثل حاجة مواطن للأمن
وأحتاج يلملم غربتي واحتاجه بقلبي يقيم

أبيه يحضن حاجتي ياااهي من غيابه تونّ
يغيب وأفقدني أنا والشوق لا جمّر رجيم

تعال واسكب لي حنانك في عروقٍ ما رون
تعال ودّي بالسهر في ليلك وجوٍ حميم

تعال يالمعني بـ أنا من روحك ابني لي حصن
تحتاجني أنثى وطن واحتاجك لروحي نديم!!