[ميلاس]

لي قلب محد هز عرشه ولا جــاه
ومحــد تجرأ يطلــع في كـتــابه

كم مر من عـنده حـبايـب بدنــياه
وكم واحد ينثر لقلبي اعجــــــابه

لكن قلبي مـحد من الناس اغـراه
كل الوجوه اللـــي تمره تشابــه

الا واحــد كـــــل ما قلت بنــساه
احس له وحشـــة وقدر ومهــــابه

[الهنوف]

وٍش عاد اسوي يومكْ أقفيتْ عني .؟
لا أنا أتبع المقفي .. ولا أحب فرقاكْ

[شداد المظيبري]

واهني اللي عينه ماتذوق السهر
مهتني في منامه ماهو مثلي سهير


ان حلم في مباته حلم ليله ظهر
مبتسم في نهاره ما يلوم المصير


ماهو مثلي تشكى من حياة الكدر
ماهو مثلي على باب المحبه اسير


من ملاك ..ن.. بريئه دونها والبشر
حسنها الطاغي تعلى فوق حسن العبير

[ميلاس]

وقتي بدونك لا حشى مااحسبه وقت ..
وش الليالي وانت يالغالي بعيد

طبعي الوفاء اغليك لو عني بعدت ..
والشوق لعيونك ترى دايم يزيد

[زهرة الحياة]

خلّ الفرح من داخلك .. منبعهْ / إنت ..
لا تنتظر دنيا تفرّح [ خفوقك ] ..

لاتطري الأحزان ، وارتاح لاهنت ..
اقتل سكون الهمّ ، وأعلن شروقك

[الرشـ بنت ـايده]

بدون شعور صدقني ترى كثر الغـلا ذبـاح
تعال وشوف بغيابك غلاك وشلـون سوابـي
حرام تغيب من عمري وتعطيني الفراق أوشاح
حرام الدمع في عيني مناديلـه هـي أهدابـي

[الاطخم]

يمر اسمك على لساني احس بلذة السكر

[أسايرها تعاندني]

تقول اللي طرف عينك أنا مدري هدب أو عود
أحس إني من اللي صــابها ماشــوف قــدامي