[نـسـاااف]

حسن الوطري يمكن الرجال اسمه عيد ومسمي ولد غريب ..؟

شالحل اذا كان هذا هو وضعه ..؟

[ذيب الهجاد]

يعطيكم العااافيه شعاااار معاني مايحتااااااااااج

ابو غريب يعتبر ضيف عزيز ...على الجميييييييييييييع

[قسورة الغاب]

الكابتن

سلامٍ مبتداه صعيب ونهايته نشفت ريق=مثل حية نبي الله موسى تبطل السحار
خفيفٍ باللسان وبالوزن يوزن بضلع طويق=يبيله شاعرٍ يقوى الثقل ياحضرت الشعار

ابووو غريب

هلا يامرحبا ترحيب بالجمله وبالتفريق = تحيت مسلمن مر المطار وشاف ضو النار
انا شايب هرم بادي مهايق مايحب الضيق = ماعمره شاف طياره ولا عمره عليها طار

الكابتن

على اسمك ياطويل العمر نفتح صفحة التحقيق=دخلت السجن والا صرت شاعر ما عليه غبار
ياراع المور من يمناك بدل نمرت التعشيق=عساك السايق اللي ما تهمه لفت الدوار

ابووووغريب

تحقق وانت ماصلحت لي دلت كرم وابريق = احسب انك تحيبي واثرك امعزبن جوار
لو ان الكبتنه تشرا طبقنا الطايره تطبيق = ولا شفت الكباتن تقصر الخطومع المشوار

الكابتن

انا وشلون احيي فيك وانت لسالمه عشيق=معك عقد النكاح لها وفي ذمتك خمس صغار
تقوله وانت شايب لو ما اداري خاطرك ماتفيق=تروح لمركز الشرطه تهددهم معك مسمار

ابوووغريب

عسا منته حدا هالخمسه الي قلت يامريزيق = ترا حقي عليكم كبر حق الشيخ والمختار
علي هونك علي الشايب تراه يفضل الترويق = بلاش من العلوم الي تجر ذيول ابو عمار

الكابتن

ليامنه دخلك الشك سقت الطايره تحليق=وليا صغرت علوم العود مادورت سد الثار
من اعماق المحيطات استمد وما لحقني ضيق=اسولف معك ياعيد بن مربح والشعر مدرار

ابوووغريب

انا ماشك فالكبتن ولا عديه للتطبيق = لو انه يحسبن العود في تالي زمانه بار
عسا فيك بركه والكو علينا الصف والتصفيق = يجوز انك تعدا هقوت الشايب بعيد الدار

الكابتن

شهادة عز كان الاسم والصوره ماهي تلفيق=لو اني ماني بحاجة لكن لعيد قدر وكار
انا عشق الهنوف ام العيون السود وام عنيق=لكن الهرش يبقى هرش ما ظني يعود حوار

ابوووغريب

سمعنا نشرت الاخبار بالصوره وبالتوثيق = وهذي عادت اهل الطيب بالنشره وبالخبار
انا ماني بضاعه ياجماعه تقبل التسويق = يكفيني نصيبي من زماني والزمن دوار

الكابتن

علامك ماتقول انك زعيم القوم ابو توفيق=عشان الناس تكتب لك حضور وتشعل الانوار
ابا اقول الك كلمه واضحه مابعدها تعليق=ماتنباع الرجال بحكم شرع الله عيال احرار

ابوووغريب

تعبت من الهموم وكثرت التحليل والتدقيق= وعلم قريب النظره وعلم مبعد الانظار
صحيح العود الازرق يالازيرق يقبل التعتيق= ولكن لاتسوم العود وانت تنقص الاسعار

الكابتن

توكلنا علي الله والعشا في طاسته ماذيق= لاعله زاد يبقي للمعزب يقري الخطار
ابا اسوق لك عود الشعر لو انه قبل ماقد سيق= ابا سلم علي خشمك وختم منهي المشوار

[قسورة الغاب]

الله الله

صح اللسانك يالكابتن وصح اللسانك يابووغريب والله انك غريب واتمني انك

ماتغيب حتي لو انك مانت ابووو غريب لانك منه جدا قريب

كما نشكر ابووو عزوووز علي المتابعه

وختم الموضووع بالتميز

بيض الله وجيهكم

جميعا

ولاهنتم

[حسن الوطري]

نساف

اذا فرضنا اللي تقوله صحيح هل صورته تشبه بن مربح

[بدوي متطور]

محاوره تستحق ان تكون محاوره الموسم بالفعل
الكابتن شاعر معنى وجزل وكل مقومات الشعر متوفره ماشاء الله عليك وكاني ارى مناقشة حقيقيه تحت غطاء المعنى
هذه المحاورات ولا بلاش

[قسورة الغاب]

ارجووو

من جميع الاخوان

الاطلاع علي هذا الرابط والاتزام التام بقوانين المنتدا

لاهنتم

http://bani-3abs.net/aa/showthread.php?t=40726

[المداوي]

صح اللسانك يالكابتن وصح اللسانك

باابو غريب
وبيض الله وجهيهكم