[قسورة الغاب]

اقتباس من مشاركة الشبح اتمنى ان أكون موفق في موضوع القصيده وأتمنى ان تستحسن رضاكم بسم الله نبدى فنجال دله يطرب الراس والكيف=محموس حمسة فن ماهو غشامه دله مع براد لو كنت بجنيف=هذي علوم المرجله والنشامه لكن راح الوقت هاذاك يا سيف=حطوه بعض الناس وسط القمامه وراحت مع الي فيه لفه وتحريف=وقت(ن)غريب(ن) ماعرفنا نظامه ما عاد نعرف جملة الحق والزيف=أخوان عند الي يضارب كلامه العولمه صارت بروس المشاريف=صارت على ماقيل كنق الزعامه صحيح مبداها خرافه وتأليف=مير العرب تعرض عليه انظمامه ..؟ أهدافها قتل العرب بالتخاريف=والواقع انه ندعي بالفهامه حتى الشباب اليوم صارت ملاقيف=ماتحترم شايب عليه احترامه والمشكله حتى البنات الغطاريف=أتبدل البرقع بلبس الفخامه عري وفسوق وشي بالكون ماشيف=العيب هذا الوقت بان انعدامه الحكم حكم الله والشرع بالسيف=أصحو بلاش المشي مثل النعامه وسلامتكم

ياشيح صح الللسانك وسجلي اعجاب
زايد تواقيع الشعر من يديه

[شاعر الوطن]

هذي مشاركة شاعر الوطن مع فائق التحيه والتقدير للجنه الكريمه

مشكور يا ساكت عن الحق مشكور=خليت لاهل الكفر دولة فلسطين
تسرح وتمرح مقبره مالها سور=تصلخ وتذبح بالنسا والوراعين
دم العرب هذا الزمن صار مهدور=أرخص بواجد من حياة أم قرنين
كل(ن) يناظر صم وبكم ومعذور=مدام حب المال دم الشرايين
ما هي غريبه عنتره روعه ثور=المشكله روع (ثنينه وعشرين)
(أولمرت) واثق ماهو كاذب ومغرور=روس العرب بيديه حبحب بسكين
أبذكر التاريخ من وعد بلفور=مليون واحد كيف يهزم ملايين ؟؟
عار العرب يا ناس في عام مشهور=ألف وتسع مية وسبعه وستين
وصار التنافس بيننا شي مذكور=الجار ماهو جار من عام تسعين
وان كان تبغى العله الي لها دور=نمشي ورى الغربي سوات المجانين
ولي يخلينا بلا احساس وشعور=بعض العرب ما طبق الشرع بالدين
ومشكور يا ساكت عن الحق مشكور=بكره تبا تسمع بدم المصلين

[كاتب الرشيدي]

مرحبابك الشبح

تم الأستلام

وسعيدين بمشاركتك

ونتمنا التوفيق للجميع

[نادر بن مساعد]

الحافظ الله يابلاد الحرمين = وعيون من يسهر لك بكل نايف
اللي على امنك يسهر الليل ليلين = ولصالحك مايعترف بالطوايف
لادرهمن شهب الضباع المساكين = ستلهن مثل الحرار النوايف
يعطيهن المخلاب بالخشم والعين = ويردهن مثل النعاج الولايف
زبن المجنا هو خلال المعادين = جاسر على الفنجال لا صار كايف
ماجات له منحه ولا جات له دين = ولاجاته له كذبه ولاهي طرايف
من ورث ابوه موثق الحكم بالدين = ومنهج خوانه نادرين الوصايف
نبقا لهم دايم على العهد باقين =عهد الجدود ولانقضنا الصحايف
حنا لهم فالسلم مثل البساتين = واهم لنا مثل الغيوم الردايف
وفالحرب يمناهم تدك الميادين = وحنالهم مثل السيوف الرهايف
انا اشهد ان الدار عند الموامين = اخوان نوره ماهو العلم زايف
وانا اشهد ان العود عقب سلاطين = عبدالله وسلطان والحر نايف

مغليكم / نادر بن مساعد

[كنق المشاعر]

الف شكر على المجهود الرائع
وصح الله لسان جميع الشعار
وعندي استفسار
الي من خارج القبيله ووده يشارك معكم كيف

[بركه الخياري]

لاهنتم على هذا الابداااااع

[مبارك الشويلع]

السلام عليكم

أخوي العزيز

كاتب الرشيدي , ابوعبدالعزيز

كل الشكر لك

على طرح هذه المسابقة الجميله ~

ونتوقع من شعراءنا الكرام كل خيــر

ننتظر جديدكم الجزل المفيــــد ..,

وفقنا الله وإياكم لكل خيـــــر

[غيم]

اخوكم ((محمد بن عبدالله الرشيدي)).

للمشاركة/ غزالية.

ليلً كساك البشـت والغيـم ضمـك -- حياك مـن غرتـك لاحـد ماطـاك
هـلا هلابـك كـل مابـي يخمـك -- يقول انا اولى من هذاك وهـذولاك
لا رزم سحابـك للحنايـا يضـمـك --واليا ارتعش جلدك من الخوف هداك
عاضك حنان ابـوك ومدلـل امـك --اللي اليا غطرف لك النـوم غطـاك
زايد عن امـك كل شئً يهمـك --جوده وفيضه لانشف ريقك اسقـاك
ونود الصبـا لا هـب يمـك يشمـك -- والغيم يحجب كل شمـس تحـداك
ارفع يدينك شـوف لافـوح كمـك -- مـره يجيـك ومرتيـن ايتـعـداك
خلك وفي واسق الوفاء نبض دمـك -- دام الوفي جالـك صديـقً بدنيـاك
حافظ عليـه وخلده في مهـمك -- لا تعمـسك بعض الطواري وتنحاك
ولوغرك الشيطان وابليـس زمـك-- اقول لابـو عقبهـا مـن ترجـاك

وسلامتكم